தலவாக்கலை பெருந்தோட்டத்துக்கு உட்பட்ட லிந்துலை மட்டுக்கலை தோட்டத்தைச் சேர்ந்த சின்ன மட்டுக்கலை, பெரிய மட்டுக்கலை ஆகிய பிரிவுகளைச் சேர்ந்த தோட்ட தொழிலாளர்கள் இன்று (14/12) பணி பகிஷ்கரிப்பில் ஈடுபட்டனர்.
அங்குள்ள 300க்கும் மேற்பட்ட தோட்டத் தொழிலாளர்கள் தொழிலுக்குச் செல்லாமல் பணி பகிஷ்கரிப்பில் ஈடுபட்டனர்.
மட்டுக்கலை தொழிற்சாலைக்கு முன்பாக பதாதைகளை ஏந்திவாறு, கறுப்பு கொடிகளை பிடித்து, கோஷங்களை எழுப்பினர்.
தோட்ட நிர்வாகத்தால் பல்வேறு பிரச்சினைகள் தொடர்ச்சியாக ஏற்படுத்துவதாகவும் தேயிலை மலைகள் காடாகி கிடக்கும் நிலையில் துப்புரவு பணிகள் இதுவரை மேற்கொள்ளப்படவில்லை எனவும் தொழிலாளர்கள் தெரிவித்தனர்.
அத்துடன் கொழுந்து விளைச்சல் குறைவாக இருப்பதால் தற்போது தோட்ட நிர்வாகம் ஒரு நாள் சம்பளத்திற்கு 20 கிலோ கட்டாயமாக பறிக்க வேண்டும் என வற்புறுத்தி வருவதாகவும் சுட்டிக்காட்டினர்.
