மின்சார கட்டண திருத்தம் குறித்த தீர்மானம் இன்று!

இலங்கையின் இலங்கையின் பொது பயன்பாடுகள் ஆணைக்குழு (PUCSL), 2026 ஆம் ஆண்டின் இரண்டாம் காலாண்டுக்கான மின்சார கட்டண திருத்தம் தொடர்பான இறுதி தீர்மானத்தை இன்று (30.03) பிற்பகல் 2.00 மணிக்கு அறிவிக்க உள்ளது.

இந்த அறிவிப்பு, தீவிர அளவில் நடத்தப்பட்ட பொதுமக்கள் ஆலோசனை செயல்முறை நிறைவடைந்ததையடுத்து வெளியாகிறது. இதில் நாடு முழுவதும் கருத்துகள் சேகரிக்கப்பட்டதுடன், இறுதி கலந்துரையாடல் மேல் மாகாணத்தில் நடைபெற்றது.

இந்நிலையில், இலங்கை மின்சார சபை (CEB), ஏப்ரல்- ஜூன் காலப்பகுதிக்காக மின்சார கட்டணத்தை 13.56% உயர்த்துமாறு கோரி, பெப்ரவரி 13 ஆம் திகதி முன்மொழிவு ஒன்றை சமர்ப்பித்துள்ளது.

CEB வழங்கிய தகவலின்படி, மொத்த மின்சார விநியோகச் செலவு ரூ. 136.5 பில்லியனாக மதிப்பிடப்பட்டுள்ள நிலையில், தற்போதைய கட்டண அடிப்படையில் எதிர்பார்க்கப்படும் வருவாய் ரூ. 116.9 பில்லியனாக மட்டுமே இருக்கும் என கணிக்கப்பட்டுள்ளது. இதனால் ரூ. 15.8 பில்லியன் வருவாய் பற்றாக்குறை ஏற்படும் என சுட்டிக்காட்டப்பட்டுள்ளது.

மேலும், இந்த கட்டண உயர்வு அனைத்து நுகர்வோர் பிரிவுகளுக்கும் ஒரே அளவில் அமல்படுத்தப்படவுள்ளதாக முன்மொழிவில் தெரிவிக்கப்பட்டுள்ளது.

இன்றைய தினம் வெளியாகவுள்ள தீர்மானமானது, இந்த கட்டண உயர்வு நடைமுறைக்கு வரும் அல்லது இல்லையென்பதை தீர்மானிக்கும் முக்கியமானதாக அமையும்.