புத்தாண்டு காலத்தில் பொதுமக்களின் பாதுகாப்பை உறுதி செய்யும் நோக்கில், பாதுகாப்பு அமைச்சினால் நாடு முழுவதும் சிறப்பு பாதுகாப்புத் திட்டம் ஒன்றை அமல்படுத்தப்பட்டுள்ளது.
வரவிருக்கும் சிங்கள மற்றும் இந்து புத்தாண்டை முன்னிட்டு இந்த திட்டம் செயல்படுத்தப்பட்டுள்ளதாக தெரிவிக்கப்பட்டுள்ளது.
இந்த நடவடிக்கைகள், முப்படைப் படைகள், இலங்கை காவல்துறை மற்றும் உளவுத்துறைகள் இணைந்து மேற்கொண்டு வருகின்றன. நாடு முழுவதும் நடைபெறும் கொண்டாட்டங்கள், இசை நிகழ்ச்சிகள் மற்றும் மத நிகழ்வுகள் உள்ளிட்ட அனைத்தையும் உள்ளடக்கிய வகையில் பாதுகாப்பு ஏற்பாடுகள் மேற்கொள்ளப்பட்டுள்ளன.
மேலும், நடவடிக்கைகளை ஒருங்கிணைக்கவும் அவசர நிலைகளுக்கு பதிலளிக்கவும், காவல்துறை தலைமையகத்தில் சிறப்பு செயல்பாட்டு அறை ஒன்று அமைக்கப்பட்டுள்ளது.
பொதுமக்கள், 011-2013051, 011-2027148, 011-2027149, 011-2430912 ஆகிய தொலைபேசி எண்கள் வழியாகவோ அல்லது igp.opsroom@police.gov.lk
என்ற மின்னஞ்சல் முகவரி வழியாகவோ அந்த செயல்பாட்டு அறையை தொடர்புகொள்ளலாம்.
இந்த பாதுகாப்பு நடவடிக்கைகள், பண்டிகைக் காலம் முழுவதும் அமைதியான மற்றும் பாதுகாப்பான சூழலை நிலைநிறுத்தும் வகையில், அறிமுகப்படுத்தப்பட்டதாக தெரிவிக்கப்பட்டுள்ளது.