முன்னாள் ஸ்ரீலங்கன் எயார்லைன்ஸ் பிரதானி கபில சந்திரசேன சந்தேகத்திற்கிடமான முறையில் இறந்த நிலையில் கண்டெடுக்கப்பட்ட வீட்டில் இருந்து எந்த சிசிடிவி பதிவுகளும் கிடைக்கவில்லை என்று கொழும்பு குற்றப்பிரிவு (CCD) வியாழக்கிழமை (15.05) அன்று கொழும்பு கோட்டை நீதவான் நீதிமன்றத்தில் தெரிவிக்கப்பட்டுள்ளது.
குடியிருப்பில் சிசிடிவி கேமரா அமைப்பு செயல்பட்டபோதிலும், அதில் காட்சிகள் சேமிக்கப்படவில்லை என்று விசாரணையில் தெரியவந்ததாக கொழும்பு குற்றப்பிரிவு (CCD) அதிகாரிகள் நீதிமன்றத்தில் தெரிவித்தனர்.
எனவே, விசாரணைக்குப் பயன்படும் வகையில் அந்த வீடு தொடர்பான எந்தக் காட்சிகளும் மீட்கப்படவில்லை என்று பொலிஸார் தெரிவித்துள்ளனர்.
இருப்பினும், மே 6ம் திகதி முதல் மே 8ம் திகதி வரையிலான காலகட்டத்தை உள்ளடக்கிய, விசாரணைக்குத் தேவையான முன்பக்க மற்றும் பக்கவாட்டுக் கோணப் பதிவுகள் உட்பட, அருகிலுள்ள இரண்டு வீடுகளில் இருந்து சிசிடிவி காட்சிகளை புலனாய்வாளர்கள் பெற்றுள்ளனர்.
கொழும்பு கோட்டை நீதவான் முன்னிலையில் சந்திரசேனவின் மரணம் குறித்த நீதவானின் விசாரணையின் இரண்டாம் நாளில் இந்த விபரங்கள் வெளியாகியுள்ளன.