கதிர்காம யாத்திரிகர்களை ஏற்றிச் சென்ற பேருந்து ஒன்று விபத்துக்குள்ளானதில் 17 பேர் காயமடைந்துள்ளனர்.
குறித்த விபத்து இன்று (19/12) அதிகாலை அம்பாறை – பதியத்தலாவ பகுதியில் வைத்து இடம்பெற்றுள்ளது.
இந்நிலையில் காயமடைந்தவர்கள் உடனடியாக மஹாஓயா வைத்தியசாலையில் அனுமதிக்கப்பட்டுள்ளதாக பொலிஸார் தெரிவித்துள்ளனர்.
கிளிநொச்சியிலிருந்து கதிர்காமத்திற்கு யாத்திரிகர்களை ஏற்றிச் சென்ற பேருந்து ஒன்றே இவ்வாறு விபத்துக்குள்ளாகியுள்ளது.
சாரதிக்கு ஏற்பட்ட நித்திரை கலக்கத்தினால் விபத்து நேர்ந்திருக்கலாம் என விசாரணைகளை முன்னெடுத்து வரும் பொலிஸார் சந்தேகம் வெளியிட்டுள்ளனர்.
