இலங்கை சிறந்த ஆம்பம். ஸ்கோர்

-டுபாயிலிருந்து விமல்-

ஆசிய கிண்ண கிரிக்கெட் தொடரின் இரண்டாம் சுற்றுப் போட்டி இன்று இலங்கை, ஆப்கானிஸ்தான் அணிகளுக்கிடையில் ஆரம்பித்து நடைபெற்று வருகிறது.

நாணய சுழற்சியில் வெற்றி பெற்ற இலங்கை அணி களத்தடுப்பை தெரிவு செய்தது. துடுப்பாடிய ஆப்கானிஸ்தான் அணி ஆரம்பம் முதலே நிதானம் கலந்த அதிரடியை நிகழ்த்தியது. ரஹமதுல்லா குர்பாஸ் அதிரடியாக துடுப்பாடி ஓட்ட எண்ணிக்கையினை உயர்த்தி கொடுத்தார். ஆரம்பத்தில் மெதுவாக துடுப்பாடிய இப்ராஹிம் சர்டான் பின்னர் அதிரடியாக அடித்தாடினர். இலங்கை அணியின் பந்து வீச்சாளர்கள் அச்சுறுத்துமளவுக்கு பந்து வீசவில்லை. இறுதி நேரத்தில் விக்கெட்களை கைப்பற்றியமையினால் ஓட்ட எண்ணிக்கை ஓரளவு கட்டுப்படுத்தப்பட்டுள்ளது.

175 ஓட்டங்கள் என்ற வெற்றி இலக்கு இலங்கை அணிக்கு நிர்ணயிக்கப்பட்டுள்ளது. இந்த மைதானத்தில் 150 ஓட்டங்களுக்கு மேல் துரத்தியடிப்பது மிகவும் கடினமானது. இவ்வாறான நிலையில் இலங்கை துடுப்பாட்ட வீரர்கள் நிதானம் கலந்த அதிரடி துடுப்பாட்டத்தை நுட்பமாக மேற்கொள்ள வேண்டும். அப்போதுதான் இந்த இலக்கை நோக்கி நகர முடியும்.

இன்றைய போட்டிக்கு பார்வையாளர்கள் குறைவாகவே வருகை தந்துள்ளனர். அதிலேயும் மிகவும் குறைவான இலங்கை ரசிகர்களே காணப்பட்டனர்.