தம்புள்ள அணி அபார பந்துவீச்சு

தம்புள்ள, காலி அணிகளுக்கிடையில் கொழும்பு R.பிரேமதச மைதானத்தில் நடைபெறும் லங்கா பிரீமியர் லீக் தொடரின் போட்டியில் தம்புள்ள அணி சிறப்பாக பந்துவீசி காலி அணியினை வெற்றி பெறும் நிலைக்குள் கட்டுப்படுத்தியுள்ளது.

நாணய சுழற்சியில் வெற்றி பெற்று முதலில் துடுப்பாடிய காலி அணி 20 ஓவர்களில் 08 விக்கெட்களை இழந்து 129 ஓட்டங்களை பெற்றுக்கொண்டது.

ஆரம்பம் முதலே தடுமாறிய காலி அணி தொடர்ச்சியான இடைவேளைகளில் விக்கெட்களை இழந்ததன் காரணமாக அதிகளவில் ஓட்டங்களை பெற முடியவில்லை. நுவனிது பெர்னாண்டோவின் துடுப்பாட்டம் ஓரளவு கை கொடுக்க 100 ஓட்டங்களை தாண்டியது காலி.

தம்புள்ள அணி சார்பாக மத்தியூ போர்ட் சிறப்பாக பந்துவீசி விக்கெட்களை தகர்த்தார். தம்புள்ள சார்பாக அனைவருமே சிறப்பாக பந்துவீசினார்கள். நூர் அஹமட் ஓட்டங்களை வழங்கமால் மிகவும் இறுக்கமாக பந்துவீசினார்.