இஸ்ரோவுக்கு நாசா வாழ்த்து!

சந்திரயான்-3 திட்டத்தின் வெற்றி குறித்து அமெரிக்க விண்வெளி ஆய்வு மையமான ‘நாசா’ பாராட்டு தெரிவித்துள்ளது.

‘நாசா’ நிறுவனத்தின் தலைவர் பில் நெல்சன் தனது சமூக வலைத்தளத்தில் இந்தியாவுக்கு வாழ்த்து தெரிவித்து பதிவிட்டுள்ளார்.

அந்த பதிவில், சந்திரயான்-3, நிலவின் தென்துருவத்தில் வெற்றிகரமாக தரையிறங்கியதற்காக இஸ்ரோவுக்கு வாழ்த்துகள். நிலவில் விண்கலத்தை மெதுவாக தரையிறக்கிய 4-வது நாடு என்ற பெருமையை இந்தியா பெற்றிருக்கிறது. இத்திட்டத்தில் உங்களின் பங்காளியாக இருப்பதில் மகிழ்ச்சி என தெரிவித்துள்ளார்.

இஸ்ரோவின் இந்த வெற்றிக்கு உலக தலைவர்கள் பலரும், பல பிரபலங்களும் தமது வாழ்த்துக்களை பதிவு செய்த வண்ணம் உள்ளனர்.