பண்டிகை காலத்தினை முன்னிட்டு முட்டை விலை அதிகரித்துள்ளது.
கடந்த காலங்களில் 42 ரூபா முதல் 45 ரூபா வரை விற்பனை செய்யப்பட்ட வெள்ளை முட்டை தற்போது 47 ரூபா முதல் 50 ரூபாவை தாண்டியுள்ளதாக தெரிவிக்கப்படுகின்றது.
அத்துடன் சிவப்பு முட்டை 53 ரூபா வரை விற்பனை செய்யப்படுவதாக சந்தை தகவல்கள் தெரிவிக்கின்றன.
இந்நிலையில் டிசம்பர் மற்றும் ஜனவரி மாதங்களில் முட்டை விலை அதிகரிப்பது வழமை என அகில இலங்கை முட்டை உற்பத்தியாளர் சங்கத்தின் பொருளாளர் விஜய் அல்விஸ் தெரிவித்துள்ளார்.
எவ்வாறாயினும் எதிர்வரும் பண்டிகை காலத்தில் முட்டை விலை அதிகரிக்கப்படமாட்டாது என முட்டை உற்பத்தியாளர் சங்கத்தின் தலைவர் ஆர்.எம்.சரத்நாயக்க முன்னதாக தெரிவித்திருந்தமை குறிப்பிடத்தக்கது.