பாகிஸ்தான் அணியின் வெற்றி வாய்ப்போடு ஐந்தாம் நாள்.

(ச.விமல், காலி சர்வதேச கிரிக்கெட் மைதானத்திலிருந்து)

இலங்கை மற்றும் பாகிஸ்தான் அணிகளுக்கிடையில் காலி சர்வதேச கிரிக்கெட் மைதானத்தில் நடைபெற்று வரும் முதலாவது டெஸ்ட் போட்டியின் ஐந்தாம் நாள் இன்று.(20.07) நேற்றைய நான்காம் நாள் நிறைவில் பாகிஸ்தான் அணி வலுவான நிலையிலும், போட்டியினை வெற்றி பெறும் நிலையிலும் காணப்படுகின்றது. 342 ஓட்டங்கள் காலி சர்வதேச மைதானத்தில் பெறுவதற்ககு கடினமான இலக்கு. இதுவரையும் யாரும் பெறவில்லை. ஆனால் பாகிஸ்தான் பெறும் நிலையினை பெற்றுள்ளது.

இன்றைய முழு நாளும் பாகிஸ்தான் அணிக்கு காணப்படுகிறது. 90 ஓவர்கள். பாகிஸ்தான் அணி அழுத்தங்களின்றி மிக மெதுவாக துடுப்பாடி ஓட்டங்களை பெற்றுக் கொள்ளும் நிலை ஏற்பட்டுள்ளது. இலங்கை அணியின் பந்துவீச்சாளர்கள் அழுத்தங்களை வழங்க வேண்டும். வேகமான விக்கெட்கள் வீழ்த்தப்பட்டால் மட்டுமே வெற்றி பெற முடியும். குறிப்பாக காலையில் போட்டி ஆரம்பித்து முதல் அரை மணி நேரங்களுக்குள் நடைபெறும் மாற்றமே இன்றைய பாட்டியின் முடிவினை தீர்மனிக்கும்.

பாகிஸ்தான் அணி இதுவரையில் 03 விக்கெட்களை இழந்து 222 ஓட்டங்களை பெற்றுள்ளது. இன்னமும் 120 ஓட்டங்கள் மட்டுமே வெற்றிக்கு தேவைப்படுகிறது.

பாகிஸ்தான் அணி சார்பாக அப்துல்லா சபீக் சதமடித்தது நல்ல ஆரம்பத்தை பெற்றுக் கொடுத்தார். தனது ஆறாவது போட்டியில் இந்த சதத்தை பெற்றுள்ளார். இரண்டாவது போட்டியினை தவிர மற்றைய போட்டிகளில் 50 இற்கு மேற்பட்ட ஓட்டங்களை ஒவ்வொரு போட்டியிலும் பெற்றுக் கொடுத்துள்ளார். பாபர் அஸாம் இந்த இன்னிங்ஸிலும் அரைச்சதம் பெற்று தொடர்ந்தும் துடுப்பாடி வருகிறார்.

இன்றைய நான்காம் நாள் போட்டி ஆரம்பித்து சொற்ப வேளையிலேயே இலங்கை அணியின் துடுப்பாட்டம் நிறைவடைந்தது.  இலங்கை அணியின் இறுதி விக்கட் வீழ்த்தப்பட்டது. டினேஷ் சந்திமால் 94 ஓட்டங்களோடு ஆட்டமிழக்காமால் திரும்பினார்.

இலங்கை அணி 337 ஓட்டங்களோடு ஆட்டமிழந்ததனை தொடர்ந்து, 342 ஓட்டங்கள் என்ற வெற்றி இலக்கு நிர்ணயிக்கப்பட்டுள்ளது. காலி சர்வதேச கிரிக்கெட் மைதானத்தில் நான்காம் இன்னிங்சில் துடுப்பாடுவது மிகவும் கடினம். இலங்கை அணி 268 ஓட்டங்களை துரதியடித்தமையே சாதனையாக காணப்படுகிறது.

இலங்கையின் இரண்டாம் இன்னிங்சில் பாகிஸ்தான் அணியின் வேகப்பந்து வீச்சு பெரியளவில் சோபிக்கவில்லை. இருப்பினும் சுழற் பந்துவீச்சாளர்கள் விக்கெட்களை கைப்பற்றிக்கொண்டனர். தனது நான்காவது போட்டியில் முதலாவது 5 விக்க்கெட் பெறுதியினை பெற்றுள்ளார்.