புதிய அமைச்சர்கள் இன்று நியமிக்கப்பட்டுள்ளனர். இவர்கள் ஏற்கனவே அமைச்சர்களாக பதவி வகித்த அமைச்சுக்களுக்கே மீண்டும் பதவி பிரமாணங்களை பெற்றுக்கொண்டுள்ளனர். பிரதமராக ரணில் விக்ரமசிங்க நியமனம் பெற்ற வேளையிலேயே இந்த அமைச்சரவை நியமிக்கப்பட்டது.
ஜனாதிபதியாக ரணில் விக்ரமசிங்க நியமனம் பெற்றதன் பின்னர் இன்று பிரதமராக தினேஷ் குணவர்தனவை நியமித்து ஏகவனவே அமைச்சர்களாக பதவி வகித்த அமைச்சர்களுக்கு புதிதாக நியமனம் செய்து வைத்துள்ளார்.
ஜனாதிபதி ரணில் விக்கிரமசிங்கவிடம் நியமன கடிதங்களை பெற்று அமைச்சர்கள் பதவிப் பிரமாணம் செய்து கொண்டனர்.
முதலீட்டு அபிவிருத்தி அமைச்சர் தம்மிக்க பெரேரா, முன்னாள் ஜனாதிபதியினால் அமைச்சராக நியமிக்கப்பட்டிருந்த போதும் அவருக்கு நியமனம் வழங்கபபடவில்லை. அவர் தனது பாரளுமன்ற உறுப்பினர் பதவியினை இராஜினாமா செய்யவுள்ளதாகவும் மேலும் தகவல்கள் வெளியாகியுள்ளன.
நியமிக்கப்பட்ட அமைச்சு விபரங்கள்.
பிரதமர் தினேஸ் குணவர்தன – உள்நாட்டு அலுவல்கள், உள்ளூராட்சி மற்றும் மாகாண சபைகள் அமைச்சர்.
டக்ளஸ் தேவானந்தா – கடற்றொழில் அமைச்சர்.
சுசில் பிரேமஜயந்த – கல்வி அமைச்சர்.
பந்துல குணவர்தன – ஊடக, போக்குவரத்து மற்றும் நெடுஞ்சாலைகள் அமைச்சர்.
கெஹெலிய ரம்புக்வெல்ல – சுகாதார மற்றும் நீர்ப்பாசன அமைச்சர்.
மஹிந்த அமரவீர – விவசாய மற்றும் வனவள, வனப்பாதுகாப்பு அமைச்சர்.
விஜயதாச ராஜபக்ஸ – நீதி, சிறைச்சாலைகள் மற்றும் அரசியலமைப்பு மறுசீரமைப்பு அமைச்சர்.
ஹரீன் பெர்ணான்டோ – காணி மற்றும் சுற்றுலாத்துறை அமைச்சர்.
ரமேஷ் பத்திரண – பெருந்தோட்ட மற்றும் கைத்தொழில் அமைச்சர்.
பிரசன்ன ரணதுங்க – நகர அபிவிருத்தி அமைச்சர்.
அலி சப்ரி – வெளிவிவகார அமைச்சர்.
விதுர விக்ரமநாயக்க – புத்தசாசன மற்றும் சமய கலாசார அலுவல்கள் அமைச்சர்.
கஞ்சன விஜேசேகர – வலுசக்தி மற்றும் மின்சக்தி அமைச்சர்.
நஸீர் அஹமட் – சுற்றாடல் அமைச்சர்.
ரொஷான் ரணசிங்க – விளையாட்டு மற்றும் இளைஞர் விவகாரம் மற்றும் நீர்ப்பாசன அமைச்சர்.
மனுஷ நாணயக்கார – தொழில் மற்றும் வெளிநாட்டு வேலைவாய்ப்பு அமைச்சர்.
டிரான் அலஸ் – பொதுமக்கள் பாதுகாப்பு அமைச்சர்.
நலின் பெர்ணான்டோ – வர்த்தக வாணிப மற்றும் உணவுப் பாதுகாப்பு அமைச்சர்.