இலங்கை, ஆப்கானிஸ்தான் போட்டியில் இலங்கைக்கு வெற்றி.

ICC T20 உலக கிண்ண கிரிக்கட் தொடரின் இலங்கை, ஆப்கானிஸ்தான் அணிகளுக்கிடையில் நடைபெற்ற போட்டியில் இலங்கை அணி 06 விக்கெட்களினாள் வெற்றி பெற்றது.

நாணய சுழற்சியில் வெற்றி பெற்று முதலில் துடுப்பாடிய ஆப்கானிஸ்தான் அணி 144 ஓட்டங்களை பெற்றது.

ஆப்கானிஸ்தான் அணியின் சிறந்த ஆரம்பம், மற்றும் மத்திய வரிசையின் நிதானம் கலந்த துடுப்பாட்டம் மூலம் இந்த ஓட்ட எண்ணிக்கையினை பெற முடிந்தது. இலங்கை அணி சார்பாக வனிந்து ஹசரங்க சிறப்பாக பந்துவீசி 3 விக்கெட்களை கைப்பற்றினார். லஹிரு குல்மார 2 விக்கெட்களை கைப்பற்றினார்.

இலங்கை அணியின் ஆரம்பம் சிறப்பாக அமையவில்லை. பத்தம் நிஸ்ஸங்க ஆட்டமிழந்த பின்னர் குஷல் மென்டிஸ், தனஞ்சய டி சில்வா ஆகியோர் நிதானமாக ஓட்ட எண்ணிக்ககையினை உயர்த்தினர். அதன் பின்னர் சரித் அசலங்க, தனஞ்சய ஜோடி ஓரளவு வேகமாக ஓட்டங்களை பெற்றனர். இவர்களின் துடுப்பாட்டம் இலங்கை அணி வெற்றி இலக்கினை நோக்கோ நகர உதவியது.

ஆப்கானிஸ்தான் அணி சார்பாக ரஷீட் கான் விக்கெட்களை கைப்பற்றினாலும் ஓட்டங்களை வழங்கினார்.

ஆப்கானிஸ்தான் அணியின் சிறந்த ஆரம்பம், மற்றும் மத்திய வரிசையின் நிதானம் கலந்த துடுப்பாட்டம் மூலம் இந்த ஓட்ட எண்ணிக்கையினை பெற முடிந்தது.

அடுத்த நடைபெறவுள்ள போட்டியில் இங்கிலாந்து அணி வெற்றி பெற்றால் இலங்கை அணிக்கு வாய்ப்புகள் குறைவடையாலம். ஆனாலும் வெற்றி பெற்றால் இலங்கை அணிக்கான வாய்ப்பு ஒன்று காத்திருக்கிறது. இலங்கை அணி இங்கிலாந்து அணியோடு வெற்றி பெற்றால் இங்கிலாந்தினை தாண்டி முன்னோக்கி செல்லும். ஆகவே நியூசிலாந்து அல்லது அவுஸ்திரேலியா அணியின் அடுத்த சுற்று வாய்ப்பு இல்லாமல் போனால் மட்டுமே இலங்கை அணிக்கான வாய்ப்பு கிடைக்கும்.