உலகக்கிண்ண அரை இறுதி அணிகள் நான்கு.

ICC T20 உலக கிண்ண தொடரின் இரண்டாம் சுற்று போட்டிகள் நிறைவடைந்துள்ளன. இறுதியாக நடைபெற்ற இந்தியா மற்றும் சிம்பாவே அணிகளுக்கிடையிலான போட்டியில் வெற்றி பெற்று முதலிடத்தை இந்தியா அணி பெற்றுக்கொண்டது.

இன்று காலையில் நடைபெற்ற போட்டியில் தென்னாபிரிக்கா அணி தோலிவியடைந்ததன் மூலம் அரை இறுதி வாய்ப்பை இழந்தது. வெற்றி பெற்ற நெதர்லாந்து அணி அடுத்த உலக கிண்ணத்துக்கு தகுதி பெற்றுள்ளது.

பாகிஸ்தான், பங்களாதேஷ் அணிகளுக்கிடையில் நடைபெற்ற போட்டியில் பாகிஸ்தான் அணி வெற்றி பெற்று அரை இறுதி வாய்ப்பை பெற்றுள்ளது.

இந்த முடிவுகளின் படி புதன்கிழமை இலங்கை நேரப்பபடி 1.30 இற்கு நியூசிலாந்து மற்றும் பாகிஸ்தான் அணிகளுக்கிடையில் முதலாவது அரை இறுதிப் போட்டி நடைபெறவுள்ளது.

இந்தியா மற்றும் இங்கிலாந்து அணிகளுக்கிடையிலான போட்டி எதிர்வரும் வியாழக்கிழமை இலங்கை நேரப்பபடி 1.30 இற்கு நியூசிலாந்து மற்றும் பாகிஸ்தான் அணிகளுக்கிடையில் இரண்டாவது அரை இறுதிப் போட்டி நடைபெறவுள்ளது.

பாகிஸ்தான் அணி 6 தடவைகளுகும், மற்றைய மூன்று அணிகளும் தலா நான்கு தடவைகளும் அரை இறுதி போட்டிகளுக்கு தெரிவாகியுள்ளன. நியூசிலாந்து அணியினை தவிர மற்றைய சகல அணிகளும் தலா ஒவ்வொரு தடவைகள் சம்பியன் பட்டம் வென்றுள்ளனர்.

சிம்பாவே மற்றும் இந்தியா அணிகளுக்கிடையில் நடைபெற்ற போட்டியில் லோகேஷ் ராகுல் மற்றும் சூர்யகுமார் யாதவ் ஆகியோரின் துடுப்பாட்டடத்தின் மூலம் சிறந்த ஓட்ட எண்ணிக்கையினை பெற்றுக்கொண்டது. இன்றைய போட்டியில் டினேஷ் கார்த்திக்கிற்கு பதிலாக ரிஷாப் பான்ட் சேர்த்துக்கொள்ளப்பட்டார். அவர் துடுப்பாட்டத்தில் பிரகாசிக்கவில்லை.

இந்தியா அணி பந்துவீச்சில் ஆரம்பத்திலேயே விக்கெட்களை கைப்பற்ற சிம்பாவே அணி தடுமாறி போனது.