பிரான்ஸ் இரண்டாம் சுற்றில் கால்பதித்தது.

டென்மார்க் மற்றும் பிரான்ஸ் அணிகளுக்கிடையில் நடைபெற்ற உலக கிண்ண தொடரின் முதல் சுற்றுப் போட்டியில் பிரான்ஸ் அணி 2-1 என்ற கோல் கணக்கில் வெற்றி பெற்று இரண்டாம் சுற்றுக்கு தெரிவாகியுள்ளது.

இரு அணிகளுக்குமிடையிலான போட்டி கடும் விறு விறுப்பாகவே நடைபெற்றது. பிரான்ஸ் அணி சார்பாக கைலியன் மாபே 61 ஆவது நிமிடத்தில் முதல் கோலை பெற்றார். போராடிய டென்மார்க் அணி 7 நிமிடங்களில் அன்றியெஸ் கிறிஸ்டியன்சன் அடித்த கோலின் மூலமாக போட்டியினை சமன் செய்தது.

போட்டி மேலும் விறு விறுப்படைந்து சென்ற நிலையில் மாபே 86 ஆவது நிமிடத்தில் வெற்றி கோலை அடித்தார். இந்த கோலின் மூலமாக இந்த தொடரில் மாபே 3 கோல்களை அடித்துள்ளார்.

ஏற்கனவே பிரான்ஸ் அணி அவுஸ்திரேலிய அணியினை வெற்றி பெற்றுள்ள நிலையில் அடுத்த சுற்றுக்கு முதலாவது அணியாக தெரிவாகியுள்ளது. குழு D இல் மீதமுள்ள 3 அணிகளுக்கும் இன்னமும் வாய்ப்பு காத்திருக்கின்றது.