தம்புள்ள அணி அபார வெற்றி. ஆனால் வெளியேறியது.

தம்புள்ள, காலி அணிகளுக்கிடையில் கொழும்பு R.பிரேமதச மைதானத்தில் நடைபெறும் லங்கா பிரீமியர் லீக் தொடரின் போட்டியில் தம்புள்ள அணி 04 விக்கெட்களினால் காலி அணியினை வெற்றி பெற்றுள்ளது. 130 ஓட்டங்கள் என்ற வெற்றியிலக்கினை 14.2 ஓவர்களில் பெற்று வெற்றி பெற்றார்கள்.

சிறப்பாக பந்துவீசி காலி அணியினை கட்டுப்படுத்திய அதேவேளை அதிரடியான துடுப்பாட்டத்தை மேற்கொண்டு வெற்றி பெற்றனர். 11.5 ஓவர்களில் வெற்றி பெற்றால் அடுத்த சுற்று என்ற நிலையில் போராடியு தம்புள்ள அணி அந்த இலக்கை அடைய முடியாத நிலையில் அடுத்த சுற்று வாய்ப்பை இழக்க காலி அணி அடுத்த சுற்றுக்கு தெரிவாகியுள்ளது.

ஆர்மப விக்கெட்கள் வேகமா வீழ்த்தப்பட்ட வெற்றி இலக்கை துரத்த கடினமான நிலை ஏற்பட்டது. மத்தியூ போர்ட், ஜோர்டான் கொக்ஸ் ஆகியோர் அதிரடி நிகழ்த்தி இந்த இலக்கை துரத்தினர். ஆனாலும் காலி அணியின் பந்துவீச்சாளர்கள் அந்த இலக்கை தடுத்தனர். ஆனாலும் வெற்றியினை தடுக்க முடியவில்லை.

நாணய சுழற்சியில் வெற்றி பெற்று முதலில் துடுப்பாடிய காலி அணி 20 ஓவர்களில் 08 விக்கெட்களை இழந்து 129 ஓட்டங்களை பெற்றுக்கொண்டது.

ஆரம்பம் முதலே தடுமாறிய காலி அணி தொடர்ச்சியான இடைவேளைகளில் விக்கெட்களை இழந்ததன் காரணமாக அதிகளவில் ஓட்டங்களை பெற முடியவில்லை. நுவனிது பெர்னாண்டோவின் துடுப்பாட்டம் ஓரளவு கை கொடுக்க 100 ஓட்டங்களை தாண்டியது காலி.

தம்புள்ள அணி சார்பாக மத்தியூ போர்ட் சிறப்பாக பந்துவீசி விக்கெட்களை தகர்த்தார். தம்புள்ள சார்பாக அனைவருமே சிறப்பாக பந்துவீசினார்கள். நூர் அஹமட் ஓட்டங்களை வழங்கமால் மிகவும் இறுக்கமாக பந்துவீசினார்.

காலி, கொழும்பு அணிகளுக்கிடையில் எலிமினேட்டர் போட்டி நடைபெறவுள்ளது.