கொழும்பு – கண்டி வீதியில் தங்கோவிட்ட – கம்புருதெனிய பிரதேசத்தில் இடம்பெற்ற பேருந்து விபத்தில் 13 பேர் காயமடைந்துள்ளனர்.
அவர்களில் 7 பேரின் நிலைமை கவலைக்கிடமாக உள்ளதாக தெரிவிக்கப்பட்டுள்ளது.
ஒரே திசையில் பயணித்த இரண்டு பேருந்துகள் ஒன்றுடன் ஒன்று மோதியதில் இந்த விபத்து ஏற்பட்டுள்ளது.
கண்டியில் இருந்து கொழும்பு நோக்கி பயணித்த பேரூந்து ஒன்று பயணி ஒருவரை இறக்கி விடுவதற்காக நிறுத்தப்பட்ட போது, பின்னால் வந்த பேரூந்தொன்று நிறுத்தி வைக்கப்பட்டிருந்த பேருந்தின் பின்பகுதியில் மோதியதில் இந்த விபத்து இடம்பெற்றுள்ளதாக பொலிஸார் தெரிவித்தனர்.
வவுனியாவில் இருந்து கொழும்பு நோக்கி பயணித்த பேரூந்தே பின்னால் வந்து விபத்தை ஏற்படுத்தியுள்ளமை தெரியவந்துள்ளது.
இரு பேருந்துகளிலும் பயணித்தவர்களில் ,பின்னால் வந்த பேருந்தின் ஓட்டுநர் உட்பட பலர் காயமடைந்துள்ளனர்.
விபத்தை ஏற்படுத்திய வவுனியா – கொழும்பு பேருந்தின் சாரதி கைது செய்யப்பட உள்ளதாக பொலிஸார் தெரிவித்தனர்.
விபத்தில் படுகாயமடைந்து வைத்தியசாலையில் அனுமதிக்கப்பட்டவர்களில், தாய் ஒருவரும் அவரது ஒன்றரை மாத கை குழந்தையும் அடங்குவதாக பொலிசார் தெரிவித்துள்ளனர்.