தலைவர்களின் துரோகத்தால் நம் நாடு அந்நிய தேசத்திடம் வீழ்ந்தது!

இந்தியாவில் இருந்து இலங்கைக்கு பாலம் அமைக்கப்படுமாயின் பொது வாக்கெடுப்பு நடத்தப்பட வேண்டும் என பேராயர் மல்கம் ரஞ்சித் கர்தினால் தெரிவித்துள்ளார். 

ராகம தெவத்த தேசிய பசிலிக்காவில் நடைபெற்ற ஆராதனை ஒன்றில் கர்தினால் மெல்கம் ரஞ்சித் ஆண்டகை இவ்வாறு கூறியுள்ளார்.

இதன்போது மேலும் கருத்து தெரிவித்த அவர், “இந்தியாவிற்கு பாலம் கட்டுங்கள். ஒருமுறை பருப்பு கொண்டு வந்தது நினைவிருக்கிறதா. இலங்கைக்கு இராணுவம் அனுப்பப்பட்டது. அவர்களின் கருத்தின் அடிப்படையில் சில விஷயங்களைச் செயல்படுத்த வேண்டிய கட்டாயத்தில் இருந்தோம்.  

அவர்களை எங்கள் தோளில் ஏற்ற வேண்டிய கட்டாயம் ஏற்பட்டது. இன்னொரு பாலம் கட்டினால் நன்றாக இருக்கும். இந்த முட்டாள்தனமான கதைகளை யார் சொல்வது? நமது நாடு எப்போதும் சுதந்திர நாடாகவே இருந்து வருகிறது. நாங்கள் எந்த மாநிலத்திற்கும் அடிமையாக இருந்ததில்லை. அல்லது  வேறொரு நாட்டிலிருந்து பிரிந்து செல்லவில்லை. 

அன்று முதல் இலங்கை தனி நாடாக இருந்தது. இலங்கைக்கும் இந்தியாவுக்கும் இடையிலான பொருளாதார ஒப்பந்தங்களை இந்நாட்டு மன்னர்கள் கையாண்டார்கள், ஆனால் நாம் யாரையும் அடிமைப்படுத்தவில்லை. 

நம் நாடு அந்நிய தேசத்திடம் வீழ்ந்தது. அது நமது தலைவர்களின் துரோகத்தால் வீழ்ந்தது, அன்பு சகோதர சகோதரிகளே. நாளையும் இதே நிலை ஏற்படலாம். இந்த பாலம் கட்டும் யோசனைக்கு பொதுமக்கள் கருத்துக்கணிப்பு நடத்த வேண்டும். பொதுமக்கள் கருத்து இல்லாமல் இவற்றைச் செய்வது தவறு” எனத் தெரிவித்துள்ளார்.