பேருந்திலிருந்து தவறி விழுந்து பயணி மரணம்!

ரத்மலானை காலி வீதியில் பயணித்துக்கொண்டிருந்த பேருந்திலிருந்து தவறி விழுந்து பயணி ஒருவர் உயிரிழந்துள்ளார்.

நேற்று (12.09) இடம்பெற்ற இந்த சம்பவத்தில் கல்கிசை பிரதேசத்தில் வசிக்கும் 53 வயதுடைய ஒருவரே உயிரிழந்துள்ளார்.

மாத்தறையில் இருந்து கொழும்பு நோக்கி பயணித்த பேருந்தில் இருந்து தவறி விழுந்ததிலேயே இந்த விபத்து இடம்பெற்றுள்ளது.

விபத்தில் காயமடைந்த பயணி களுபோவில வைத்தியசாலையில் அனுமதிக்கப்பட்டதன் பின்னர் உயிரிழந்துள்ளதாக போலீசார் தெரிவித்துள்ளனர்.

விபத்து தொடர்பில் பேருந்தின் சாரதி கைது செய்யப்பட்டுள்ளதுடன், கல்கிசை பொலிஸார் சம்பவம் தொடர்பில் விசாரணைகளை மேற்கொண்டு வருகின்றனர்.