இலங்கை மற்றும் பங்களாதேஷ் அணிகளுக்கு இடையிலான இரண்டாவது டெஸ்ட் போட்டியில் இலங்கை அணி 192 ஓட்டங்களினால் வெற்றி பெற்று தொடரை 2-0 என கைப்பற்றியுள்ளது.
நாணய சுழற்சியில் வெற்றி பெற்று முதலில் துடுப்பாடிய இலங்கை அணி 159 ஓவர்களில் சகல விக்கெட்களையும் இழந்து 531 ஓட்டங்களை பெற்றது. இதில் குசல் மென்டிஸ் 93 ஓட்டங்களையும், கமிண்டு மென்டிஸ் ஆட்டமிழக்காமல் 92 ஓட்டங்களையும், திமுத் கருணாரட்ன 86 ஓட்டங்களையும், தனஞ்சய டி சில்வா 70 ஓட்டங்களையும், தினேஷ் சந்திமால் 59 ஓட்டங்களையும், நிஷான் மதுஷ்க 57 ஓட்டங்களையும் பெற்றனர். பந்துவீச்சில் ஷகிப் அல் ஹசன் 3 விக்ட்களையும், ஹசான் மஹ்முட் 2 விக்கெடலையும், மெஹிடி ஹசன் மிராஸ், கலெட் அஹமட் ஆகியோர் தலா ஒவ்வொரு விக்கெட்களையும் கைப்பற்றினார்கள்.
பதிலுக்கு துடுப்பாடிய பங்களாதேஷ் அணி 68.4 ஓவர்களில் சகல விக்கெட்களையும் இழந்து 178 ஓட்டங்களை பெற்றது. இதில் சகிர் ஹசன் 54 ஓட்டங்களையும், மொமினுல் ஹக் 33 ஓட்டங்களையும் பெற்றனர். பந்துவீச்சில் அசித்த பெர்னாண்டோ 4 விக்கெட்களையும், விஷ்வ பெர்னாண்டோ, லஹிரு குமார, பிரபாத் ஜயசூரிய ஆகியோர் தலா 2 விக்கெட்களையும் கைப்பற்றினார்கள்.
இரண்டாவது இன்னிங்ஸிற்காக துடுப்பாடிய இலங்கை அணி 40 ஓவர்களில் 7 விக்கெட்களை இழந்து 157 ஓட்டங்களை பெற்றிருந்த போது ஆட்டத்தை நிறுத்தி பங்களாதேஷ் அணிக்கு 511 ஓட்டங்களை வெற்றியிலக்காக நிர்ணயித்தது. இலங்கை அணி சார்பில் அஞ்சலோ மத்தியூஸ் 56 ஓட்டங்களையும், நிஷான் மதுஷ்க 34 ஓட்டங்களையும், பிரபாத் ஜயசூரிய 28 ஓட்டங்களையும் பெற்றுக்கொண்டனர். பங்களாதேஷ் அணி சார்பில் பந்துவீச்சில் ஹசன் மஹ்முட் 4 விக்கெட்டுகளையும் கலெட் அஹமட் 2 விக்கெட்டுகளையும் கைப்பற்றினர்.
இரண்டாவது இன்னிங்ஸிற்காக துடுப்பாடிய பங்களாதேஷ் அணி சகல விக்கெட்களையும் இழந்து 318 ஓட்டங்களை பெற்றது. பங்களாதேஷ் அணி சார்பில் மெஹிடி ஹசன் மிராஸ் ஆட்டமிழக்காமல் 81 ஓட்டங்களையும், மொமினுள் ஹக் 50 ஓட்டங்களையும் பெற்றனர்.
இலங்கை அணி சார்பில் பந்து வீச்சில் லஹிரு குமார 04 விக்கெட்களையும், கமிந்து மென்டிஸ் 03 விக்கெட்களையும், பிரபாத் ஜயசூரிய 2 விக்கெட்டுகளையும் கைப்பற்றினார்கள்.
போட்டியின் நாயகனாகவும், தொடர் நாயகனாகவும் கமிந்து மென்டிஸ் தெரிவு செய்யப்பட்டார் .