நாட்டில் தொடர்ச்சியாக பதிவாகி வந்த எரிவாயு சிலிண்டர் வெடிப்பு சம்பவங்களை அடுத்து வுவனியாவிலும் வெடிப்பு சம்பவம் ஒன்று பதிவாகியுள்ளது.
வவுனியா, வேரகம பிரதேசத்தில் அமைந்துள்ள வீடொன்றிலேயே நேற்று (01/12) எரிவாயு அடுப்பொன்று இவ்வாறு வெடிப்புக்குள்ளாகியுள்ளது.
சம்பவம் தொடர்பில் குறித்த வீட்டிலிருந்த பெண் ஒருவர் கருத்து தெரிவிக்கையில், தான் சமையல் செய்து முடித்த பின்னர் அணைத்து வைக்கப்பட்டிருந்த அடுப்பே திடீரென வெடித்ததாகவும், அத்துடன் மேலதிக பாதிப்புகள் ஏற்படாதிருக்கும் நோக்கில் எரிவாயு கொள்கலனில் பொருத்தப்பட்டிருந்த ரெகுலேட்டரை அகற்றியதாகவும் கூறினார்.
இந்நிலையில் சம்பவம் தொடர்பில் இரட்டைபெரியகுளம் பொலிஸார் மேலதிக விசாரணைகளை முன்னெடுத்துள்ளனர்.
இதேவேளை காலி – எல்பிட்டி பிரதேசத்திலும் நேற்று எரிவாயு சிலிண்டர் வெடிப்பு சம்பவம் ஒன்று பதிவாகியுள்ளது. அதற்கமைய நாட்டில் இதுவரை 20 க்கு மேற்பட்ட சமையல் எரிவாயு சிலிண்டர் வெடிப்பு சம்பவங்கள் பதிவாகியுள்ளமை சுட்டிக்காட்டத்தக்கது.
