பெரிய வெங்காயத்தின் விலை சடுதியாக அதிகரித்துள்ளதாக தம்புள்ளை பொருளாதார மத்திய வர்த்தக சங்கம் தெரிவித்துள்ளது.
இதன்படி, ஒரு கிலோ கிராம் உள்நாட்டு பெரிய வெங்காயத்தின் மொத்த விலை 400 ரூபாவாகவும் ஒரு கிலோ கிராம் வெளிநாட்டு வெங்காயத்தின் மொத்த விலை 370 ரூபாவாகவும் அதிகரித்துள்ளதாக தெரிவிக்கப்படுகிறது.
இந்தியா, பாகிஸ்தான், ஈரான் உள்ளிட்ட பல நாடுகளிலிருந்து பெரிய வெங்காயம் இறக்குமதி மட்டுப்படுத்தப்பட்டுள்ளதால் உள்நாட்டு மற்றும் வெளிநாட்டு பெரிய வெங்காயத்தின் விலை சடுதியாக அதிகரித்துள்ளதாக வர்த்தகர்கள் சுட்டிக்காட்டுகின்றனர்.
இதன்படி இன்று (20.11) காலை தம்புள்ளை பொருளாதார நிலையத்தில் ஒரு கிலோ கிராம் உள்நாட்டு பெரிய வெங்காயத்தின் மொத்த விலை 380 ரூபா முதல் 400 ரூபாவாக இருந்ததாக வர்த்தகர்கள் தெரிவித்துள்ளனர்.