உலகின் மிகப்பெரிய இயற்கை எரிவாயு களமாகக் கருதப்படும் South Pars/North Dome Gas-Condensate Field வளாகத்தில், ஈரான் கட்டுப்பாட்டில் உள்ள South Pars பகுதிக்கு வான்வழி தாக்குதல் நடத்தப்பட்டுள்ளதாக தகவல் வெளியாகியுள்ளது.
Islamic Revolutionary Guard Corps (IRGC) உடன் தொடர்புடைய செய்தி நிறுவனம் இந்த தாக்குதலை உறுதிப்படுத்தியுள்ளதுடன், தாக்குதலுக்குப் பிறகு அந்தப் பகுதியில் தீ விபத்து ஏற்பட்டுள்ளதாக தெரிவித்துள்ளது.
பெர்சிய வளைகுடாவில் அமைந்துள்ள இந்தப் பகுதி உலகின் மிகப்பெரிய இயற்கை எரிவாயு களமாகும். இது கட்டார் மற்றும் ஈரான் ஆகிய நாடுகளால் இணைந்து நிர்வகிக்கப்படுகிறது.
மொத்தப் பரப்பளவு சுமார் 9,700 சதுர கிலோமீட்டர் ஆகும். அதில் 3,700 சதுர கிலோமீட்டர் பரப்பளவு ஈரானுக்குச் சேர்ந்த South Pars பகுதியாகும். மீதமுள்ள 6,000 சதுர கிலோமீட்டர் பரப்பளவில் கட்டார் தனது செயல்பாடுகளை மேற்கொண்டு வருகிறது.
இந்த எரிவாயு வளம் கட்டார் நாட்டின் மொத்த வருவாயில் சுமார் 80% அளவிற்கு பங்களிக்கிறது. இந்த ஆண்டின் ஆரம்பத்தில் மட்டும் தினமும் சுமார் 18.5 பில்லியன் கனஅடி எரிவாயு உற்பத்தி செய்யப்பட்டுள்ளதாக தகவல்கள் தெரிவிக்கின்றன.
அதேவேளை, ஈரான் தினசரி சுமார் 2 பில்லியன் கனஅடி எரிவாயுவை உற்பத்தி செய்து வருகிறது.
மேலும், மேற்கத்திய தடைகள் மற்றும் தவறான மேலாண்மை காரணமாக, ஈரான் தனது முழுமையான உற்பத்தி திறனை அடைய முடியாமல் இருப்பதாகவும் கூறப்படுகிறது. இதனால் கட்டார் அதிக அளவில் எரிவாயுவை உலக சந்தையில் விற்பனை செய்யும் வாய்ப்பு உருவாகியுள்ளது.