இன்று (21.04) நாட்டில் அதிகாரப்பூர்வமாகத் ஆரம்பமாகும் சமாதானப் பயணத்திற்கு ஜனாதிபதி அனுர குமார திசாநாயக்க தனது முழு ஆதரவைத் தெரிவித்துள்ளார். ஜனாதிபதி தனது X தளத்தில் இது தொடர்பில் பதிவிட்டுள்ளார்.
“அனைத்து மக்களிடையேயும் விழிப்புணர்வு, கருணை, ஒற்றுமை மற்றும் நல்லிணக்கத்தை ஊக்குவிக்கும் வகையில் இன்று தொடங்கும் ‘சமாதானப் பயணத்திற்கு’ ஆதரவளிப்பதை நான் ஒரு கௌரவமாகக் கருதுகிறேன்,” என்று அதில் பதிவிட்டுள்ளார்.
“இந்த பயணம் தம்புள்ளையில் ஆரம்பமாகி, புனிதப் பொருட்களையும் ஒரு போதி மரக்கன்றையும் சுமந்துகொண்டு நாடு முழுவதும் பயணிக்கும் வேளையில், நமது பாரம்பரியத்தை உள்ளடக்கிய சமாதானம் மற்றும் கருணை ஆகிய நித்திய விழுமியங்களைப் பற்றி சிந்திக்க அனைத்து இலங்கையர்களையும் நான் அழைக்கிறேன்,” என்று அது மேலும் தெரிவித்துள்ளார்.
இந்த ஆன்மீக நிகழ்ச்சி தேசிய ஒற்றுமையை வலுப்படுத்தவும், உலக சமூகத்திற்கு சமாதானத்தின் ஆழமான செய்தியை எடுத்துரைக்கவும் உதவும் என்று நம்புவதாகவும் தெரிவித்துள்ளார்..
வியட்நாமிய வணக்கத்திற்குரிய பன்னகார தேரர் தலைமையில் ஏழு பிக்குகள் சமாதான நடைப்பயணத்திற்காக இன்று காலை (21.04) நாட்டை வந்தடைந்தனர்.
‘அலோகா’ என்ற பெயருடைய ஒரு நாயும் சமாதான நடைப்பயணத்திற்காக நாட்டிற்குப் பாதுகாப்பாக வந்தடைந்தது.
சர்வதேச அளவில் புகழ்பெற்ற ‘சமாதானத்திற்கான நடைப்பயணம்’ எனும் இந்நிகழ்வு, அரச ஆதரவுடன் இலங்கையில் இன்று முதல் 28ஆம் திகதி வரை நடைபெற உள்ளது.
அனுராதபுரத்திலுள்ள ஜெய ஸ்ரீ மகா போதி தேரரிடமிருந்து பெறப்பட்ட போதி மரக்கன்றுடன், வணக்கத்திற்குரிய பன்னகர தேரர் இந்த நடைப்பயணத்தை வழிநடத்த உள்ளார்.
ஜனாதிபதி செயலகம், தூய்மையான இலங்கைத் திட்டம், புத்த சாசனம், சமய மற்றும் பண்பாட்டு விவகாரங்கள் அமைச்சு, பொது நிர்வாகம், மாகாண சபைகள் மற்றும் உள்ளூராட்சி அமைச்சு, முப்படைகள் மற்றும் காவல்துறை, மற்றும் தேசிய வடிவமைப்பு மையம் உள்ளிட்ட ஏராளமான பொது மற்றும் தனியார் நிறுவனங்கள் இந்த சமாதான நடைப்பயணத்திற்கு ஆதரவளிக்கின்றன.