இயக்குனர் வெங்கட் பிரபு இயக்கத்தில் தளபதி விஜய் நடித்திருக்கும் கோட் திரைப்படம் நாளை மறுதினம் திரையரங்குகளில் வெளியாக உள்ளது.
இதில் பல முன்னணி நடிகர்கள் நடித்திருக்கும் நிலையில் அறிவிக்கப்படாத மேலும் பல நட்சத்திர நடிகர்கள் நடித்திருப்பதாக தகவல்கள் கசிந்துள்ளன.
இது இத்திரைப்படத்திற்கான எதிர்ப்பார்ப்பை மேலும் அதிகரித்துள்ளது.
ஏற்கனவே இத்திரைப்படத்தில் மறைந்த நடிகர் புரட்சிக்கலைஞர் விஜயகாந்த் அவர்களையும் AI தொழில்நுட்பத்தின் மூலம்
நடிக்க வைத்திருப்பதாக திரைப்படத்தின் தயாரிப்பாளரான அர்ச்சனா கல்பாத்தி அவர்கள் ட்விட்டர் ஊடகம் மூலம் உத்தியோகப்பூர்வமாக அறிவித்திருந்தார்.
இந்நிலையில் நேற்று (02.09) இடம்பெற்ற ஊடக சந்திப்பில், புரட்சிக்கலைஞர் விஜயகாந்த் அவர்களை 1991ஆம் ஆண்டு அவர் நடிப்பில் வெளியாகிய
‘கேப்டன் பிரபாகரன்’ திரைப்படத்தில் அவர் தோன்றிய கதாப்பாத்திரத்தின் தோற்றம் எவ்வாறு காணப்பட்டதோ அதே போன்ற தோற்றத்திலேயே
இத்திரைப்படத்திலும் காட்சியமைத்திருப்பதாக இத்திரைப்படத்தின் இயக்குனர் வெங்கட் பிரபு அவர்கள் கூறியிருந்தார்.
இத்தகவல் வெளியான சந்தர்ப்பத்தில் இருந்து 90 கிட்ஸ் சினிமா ரசிகர்கள் ஆவலுடன் இத்திரைப்படத்தின் வெளியீட்டுக்காக காத்திருக்கின்றனர்.