இலங்கை, அவுஸ்திரேலியா அணிகளுக்கிடையிலான மூன்றாவது 20-20 போட்டியில் இலங்கை அணியின் தலைவர் தஸூன் சாணக்கவின் அதிரடியினால் 04 விக்கெட்களினால் வெற்றி பெற்றது.
அவுஸ்திரேலியா அணி தொடரை 2-1 என வெற்றி பெற்றுள்ளது. தஸூன் சாணக்க, சமிக்க கருணாரட்ன ஆகியோர் 29 பந்துகளில் 69 ஓட்டங்களை முறியடிக்காத இணைப்பாட்டமாக பகிர்ந்து வெற்றியினை பெற்றுக் கொடுத்தனர்.
177 ஓட்டங்கள் என்ற வெற்றியிலக்குடன் துடுப்பாடிய இலங்கை அணி 19.5 ஓவர்களில் 06 விக்கெட்களை இழந்து 177 ஓட்டங்களை பெற்று வெற்றியீட்டியது. தஸூன் சாணக்க 04 ஆறு ஓட்டங்கள், 06 நான்கு ஓட்டங்கள் அடங்கலாக 54 (25) ஓட்டங்களையும், பத்தும் நிசங்க 27 ஓட்டங்களையும், சரித் அசலங்க 26 ஓட்டங்களையும், பானுக்க ராஜபக்ஷ 17 ஓட்டங்களையும், சமிக்க கருணாரட்ன 14 ஓட்டங்களையும் பெற்றனர்.
அவுஸ்திரேலியா அணியின் பந்துவீச்சில் ஜோஸ் ஹெசல்வூட், மார்கஸ் ஸ்டோனிஸ் ஆகியோர் தலா 2 விக்கெட்களையும், ஜய் ரிச்சட்சன் மற்றும் அஸ்டன் ஏகர் ஆகியோர் தலா ஒவ்வொரு விக்கெட்டினையும் கைப்பற்றினார்கள்.
நாணய சுழற்சியில் வெற்றி பெற்று முதலில் துடுப்பாடிய அவுஸ்திரேலியா அணி 20 ஓவர்களில் 05 விக்கெட்களை இழந்து 176 ஓட்டங்களை பெற்றது. இலங்கை அணியின் சுழற் பந்துவீச்சாளர்கள் சிறப்பாக பந்துவீசி விக்கெட்களை கைப்பற்றியுள்ளார்கள். அவுஸ்திரேலியா அணியின் துடுப்பாட்ட வீரர்களின் சராசரியான துடுப்பாட்டம் இந்த ஓட்ட எண்ணிக்கையினை பெற்றுக் கொடுத்துள்ளது.
டேவிட் வோர்னர் 39 ஓட்டங்களையும், மார்கஸ் ஸ்டோனிஸ் 38 ஓட்டங்களையும், அரோன் பிஞ்ச் 29 ஓட்டங்களையும், ஸ்டீப் ஸ்மித் 27 ஓட்டங்களையும் பெற்றனர். இலங்கை அணியின் பந்துவீச்சில் மகேஷ் தீக்ஷன 25 ஓட்டங்களுக்கு 3 விக்கெட்களையும், வனிது ஹசரங்க 33 ஓட்டங்களுக்கு ஒரு விக்கெட்டினையும், பிரவீன் ஜெயவிக்ரம 43 ஓட்டங்களுக்கு ஒரு விக்கெட்டினையும் கைப்பற்றினார்கள்.