வவுனியாவில் 14 வயது மாணவனை பாலியல் துஷ்பிரயோகம் செய்த குற்றச்சாட்டில் பயிலுனர் ஆசிரியர் ஒருவர் கைது செய்யப்பட்டுள்ளார்.
வவுனியா தெற்கு வலயத்திற்குட்பட்ட பிரபல பாடசாலை ஒன்றில் கட்டுறு பயிலுனராக பணியாற்றிய பெண் ஆசிரியர் வவுனியா பொலிஸாரால் நேற்று (24.09) கைது செய்யப்பட்டுள்ளார்.
குறித்த சிறுவனை தொடர்ந்து பயிலுனர் பெண் ஆசிரியர் பாலியல் துஷபிரயோகம் செய்து வந்ததாகவும், இது தொடர்பில் பாடசாலையில் முறைப்பாடு செய்தும் தீர்வு கிடைக்காத நிலையில் மாணவனின் பெற்றோர் சிறுவர் பிரிவு மற்றும் வவுனியா பொலிஸ் நிலையத்தில் முறைப்பாடு செய்துள்ளனர்.
இந்த முறைப்பாட்டைத் தொடர்ந்து மாணவனிடம் வாக்குமூலம் பெறப்பட்டுள்ளது.
மாணவன் மருத்துவ பரிசோதனைக்காக தற்போது வவுனியா வைத்தியசாலையில் அனுமதிக்கப்பட்டுள்ளார்.
வாக்கு மூலத்தின் அடிப்படையில் பயிலுனர் ஆசிரியர் கைது செய்யப்பட்டுள்ளதுடன், மேலதிக விசாரணைகளின் பின்னர் நீதிமன்றில் முன்னிலைப்படுத்த நடவடிக்கை எடுத்துள்ளதாகவும் பொலிஸார் தெரிவித்துள்ளனர்.