அவுஸ்திரேலிய அணியையும் சேர்த்துக்கொண்டு வெளியேறிய இலங்கை

ICC T 20 உலக கிண்ண கிரிக்கெட் தொடரின் இலங்கை மற்றும் இங்கிலாந்து அணிகளுக்கிடையில் இன்று (05.11) நடைபெற்ற குழு 01 இற்கான போட்டியில் போட்டியில் இலங்கை அணியினை 04 விக்கெட்களினால் வெற்றி பெற்று இங்கிலாந்து அணி அடுத்த சுற்றுக்கு தெரிவாகியுள்ளது.

142 ஓட்டங்கள் என்ற வெற்றியிலக்குடன் துடுப்பாடிய இங்கிலாந்து அணி இறுதி ஓவரில் வெற்றியினை தனதாக்கியது. அதிரடி ஆரம்பத்தை ஏற்படுத்திய இங்கிலாந்து அணி மத்திய வரிசையில் தடுமாறியது. பின்னர் நிதானமாக துடுப்பாடிய இங்கிலாந்து அணி அழுத்தங்களின்றி வெற்றியினை நோக்கி நகர்ந்தது.

வனிந்து ஹசரங்க 2 விக்கெட்களை கைப்பற்றி கூடுதலான 15 விக்கெட்களோடு முதலிடத்தில் காணப்படுகின்றார்.

நாணய சுழற்சியில் வெற்றி பெற்று இலங்கை அணி முதலில் துடுப்பாடியது. இன்று போட்டி நடைபெற்ற மைதானத்தில் முதலில் துடுப்பாடிய அணிகளே வெற்றி பெற்றுள்ளன. இருப்பினும் இன்று இங்கிலாந்து அந்த நிலையினை மாற்றியது.

இலங்கை அணி சிறப்பாக ஆரம்பத்தை மேற்கொண்டது. அதிரடியாக துடுப்பாடி வந்த நிலையில் அடுத்தடுத்து விக்கெட்கள் வீழ்த்தப்பட்டதால் இலங்கை அணியின் ஓட்ட எண்ணிக்கை கட்டுப்படுத்தப்பட்டது. பத்தும் நிசங்க நிதானமாகவும் அதிரடியாகவும் துடுப்பாடினார்.

குழு 01 இல் இருந்து நியூசிலாந்து அணி முதலிடத்தையும், இங்கிலாந்து அணி இரண்டாம் இடத்தையும் பெற்று அரை இறுதிப் போட்டிகளுக்கு தெரிவாகியுள்ளன.

குழு 1