இந்தியா, சென்னையிலிருந்து யாழ்ப்பாணத்துக்கான விமான சேவையினை இந்தியா விமான சேவையான எயார் இந்தியா ஆரம்பிக்கவுள்ளதாக இலங்கை விமான சேவைகள் ஒழுங்குபடுத்தல் திணைக்களம் அறிவித்துள்ளது.
இம்மாதம் 12 ஆம் திகதி திங்கட்கிழமை முதல் இந்த விமான சேவைகள் ஆரம்பிப்பதாகவும், திங்கள், செவ்வாய், வியாழன், சனி ஆகிய நாட்களில் வாரத்துக்கு நான்கு நாட்கள் என விமான சேவைகள் நடைபெறவுள்ளதாக மேலும் தெரிவிக்கப்பட்டுள்ளது.
யாழ்ப்பாணம், பலாலி விமான நிலையம் புனரமைக்கப்பட்டு விமான சேவைகள் கடந்த 2019 ஆண்டு நவம்பர் மாதத்தில் ஆரம்பிக்கப்பட்ட போதும், 2020 ஆம் ஆண்டு மார்ச் மாதத்தில் இந்த விமான சேவை கொவிட் காரணமாக இடைநிறுத்தப்பட்டது.