கண்டி – யாழ்ப்பாணம் பிரதான வீதியில் திரப்பனய அலிஸ்தான பகுதியில் வீதியில் பயணித்த வேன் ஒன்று விபத்துக்குள்ளானதில் பெண் ஒருவர் உயிரிழந்துள்ளார்.
இந்த விபத்து நேற்று (03.03) மாலை இடம்பெற்றுள்ளது.
மன்னார், சிலாவத்துறை, பண்டாரவெளி பகுதியைச் சேர்ந்த நபர்களை ஏற்றிச் சென்ற வேன் ஒன்று வளைவில் வீதியை விட்டு விலகி கவிழ்ந்ததில் இந்த விபத்து இடம்பெற்றுள்ளது.
அப்போது, வீதிக்கு அருகில் இருந்த பெண் மீது வேன் மோதியதில், பெண் படுகாயமடைந்த நிலையில், அனுராதபுரம் பொது வைத்தியசாலையில் அனுமதிக்கப்பட்டு சிகிச்சை பலனின்றி உயிரிழந்துள்ளார்.
திரப்பனய அலிஸ்தான பகுதியைச் சேர்ந்த தனுஷ்க சஞ்சீவனி கருணாரத்ன என்ற இரண்டு பிள்ளைகளின் தாயாரே இவ்வாறு உயிரிழந்துள்ளார்.
சாரதி தூங்கியமை அல்லது சாரதியின் வேகத்தை கட்டுப்படுத்த இயலாமையே விபத்துக்கு காரணமாக இருக்கலாம் என பொலிஸார் தெரிவித்துள்ளனர்.
வேனின் சாரதி பொலிஸாரால் கைது செய்யப்பட்டுள்துடன், மேலதிக விசாரணைகளை முன்னெடுத்து வருகின்றனர்.
