கட்டாய மெனிங்கோகோகல் தடுப்பூசி இலங்கை ஹஜ் யாத்திரிகர்களுக்கு கட்டுப்பாடற்ற வழிமுறைகளின் ஊடாக வழங்கப்படுவதாக அரசாங்க மருத்துவ அதிகாரிகள் சங்கத்தின் செயலாளர் டாக்டர் ஹரித அலுத்கே தெரிவித்தார்.
குறித்த தடுப்பூசியானது ஹஜ் பயணம் மேற்கொள்ளும் யாத்திரிகர்களுக்காக வழங்கப்படுகிறது. இலங்கையில் இந்த தடுப்பூசி கையிருப்பில் இல்லை என அறிக்கைகள் தெரிவித்துள்ளன.
இந்நிலையில், இந்த தடுப்பூசியானது கட்டுப்பாடற்ற வழிமுறைகள் மூலம் இலங்கைக்கு இறக்குமதி செய்யப்பட்டு தற்போது சில நிறுவனங்களால் யாத்ரீகர்களுக்கு வழங்கப்படுவதாக குற்றச்சாட்டுகள் எழுந்துள்ளன.
இந்த தடுப்பூசி ஆண்டு முழுவதும் செலுத்தப்படும் மருந்து அல்ல எனத் தெரிவித்த வைத்தியர் ஹரித அலுத்கே ஹஜ்ஜுக்கு புறப்படும் இலங்கை யாத்ரீகர்களுக்கு இது ஒரு பருவகாலத் தேவை என்றும் சுட்டிக்காட்டினார்.
ஆனால் சுகாதார துறையில் ஏற்பட்டுள்ள குளறுபடிகள் காரணமாக இந்த தடுப்பூசியை பெற்றுக்கொள்ள சிக்கல் ஏற்பட்டுள்ளதுடன், இது தற்போதைய சூழ்நிலையில், போதைப்பொருள் மாஃபியாவுக்கு லாபம் ஈட்ட வழிவகை செய்துள்ளதாகவும் அவர் குறிப்பிட்டுள்ளார்.
ஆகவே இந்த பிரச்சினையை எதிர்கொள்ளும் இலங்கை யாத்ரீகர்களுக்கு அரசாங்கம் மாற்று வழியை வழங்க வேண்டும், எனவும் அவர் வலியுறுத்தியுள்ளார்.
மேலும் சவூதி அரேபியாவின் மெக்காவில் மக்கள் கூடும் போது மெனிங்கோகோகல் நோய் பரவும் அபாயம் இருப்பதால் ஹஜ் யாத்ரீகர்களுக்கு மெனிங்கோகோகல் தடுப்பூசி ஒரு முக்கியமான தேவையாகும்.
ஹஜ் யாத்திரையின் நெருக்கமும், அதிக கூட்டமும் இருப்பதால், மூளைக்காய்ச்சல் உள்ளிட்ட தொற்று நோய்கள் எளிதில் பரவும் சூழல் உருவாகுகிறது. .
யாத்ரீகர்களின் உடல்நலம் மற்றும் நல்வாழ்வைப் பாதுகாக்கவும், தொற்றுநோய்களைத் தடுக்கவும், சவுதி அரேபிய அதிகாரிகள் மற்றும் உலக சுகாதார அமைப்பு போன்ற சர்வதேச சுகாதார நிறுவனங்கள் நோய்த்தொற்றின் அபாயத்தைக் குறைக்க மெனிங்கோகோகல் தடுப்பூசியை கட்டாயமாக்கியுள்ளன.