குருந்தூர் மலையில் தொடர்ச்சியாக இந்துக்களின் வழிபாடுகள் இடம்பெற்று வரும் நிலையில், நாளை (18.08) ஆதிசிவன் ஐயனாருக்கு பொங்கல் விழா நடாத்த ஏற்பாடுகள் இடம்பெற்று வருகின்றன.
குருந்தூர் மலை ஆதிசிவன் ஐயனார் ஆலய பரிபாலன சபையினரால் நாளைய பொங்கல் விழாவிற்கு அனைத்து இந்துக்களும் கலந்துகொள்ளுமாறு அழைப்பு விடுக்கப்பட்டிருந்தது.
இந்த வழிபாட்டிற்கு எதிர்ப்பு தெரிவிக்கும் முகமாக முல்லைத்தீவிலுள்ள சிங்கள பகுதிகளில் பௌத்தர்களை போராட்டத்திற்கு அழைத்து சுவரொட்டிகள் ஒட்டப்பட்டுள்ளன.
குறித்த சுவரொட்டிகளில், குருந்தூர் வழிபாட்டுத்தலத்தை காப்பாற்ற பௌத்தர்களே ஒன்றிணையுங்கள் எனவும், நாளை (18.08) குருந்தூர் மலைக்கு வருமாறும் அழைப்பு விடுக்கப்பட்டுள்ளது.
குருந்தூர் மலையில் பௌத்தர்கள் விகாரை அமைத்ததற்கு, முல்லைத்தீவு, புதுக்குடியிருப்பு மக்கள் தங்கள் எதிர்ப்பை வெளியிட்டிருந்தனர்.