இலங்கை அரசாங்கத்தின் சார்பில், ஈஸ்டர் ஞாயிறு தாக்குதல்கள் தொடர்பாக சேனல் 4 இன் குற்றச்சாட்டுகளை பாதுகாப்பு அமைச்சு திட்டவட்டமாக மறுத்துள்ளதுடன், உண்மை, நீதி மற்றும் தேசத்தின் நல்வாழ்வுக்கான அரசாங்கத்தின் அசைக்க முடியாத உறுதிப்பாட்டை மீண்டும் வலியுறுத்தி அறிக்கை ஒன்றையும் வெளியிட்டுள்ளது.
கருத்துச் சுதந்திரம் மற்றும் புலனாய்வு இதழியல் ஆகியவற்றை மதிக்கும் அதே வேளையில், ஆதாரமற்ற, தீங்கிழைக்கும் மற்றும் மோசமான கூற்றுக்களில் இருந்து உருவாகும் எந்தவொரு எதிர்பாராத செயல்களுக்கும் அல்லது விளைவுகளுக்கும் சேனல் 4 பொறுப்பேற்க வேண்டும் என்று பாதுகாப்பு அமைச்சு வெளியிட்டுள்ள அறிக்கையில் சுட்டிக்காட்டப்பட்டுள்ளது.
சனல் 4 இன் ஆவணப்படம், இலங்கையின் சமூக கட்டமைப்பை அச்சுறுத்துவது மட்டுமல்லாமல், அவர்களின் நேர்மை மற்றும் பொறுப்பை நிலைநிறுத்தியவர்களின் நற்பெயரையும் பாதுகாப்பையும் இழிவுபடுத்தியுள்ளதாக மேலும் தெரிவிக்கப்பட்டுள்ளது.