நியூசிலாந்து முதலிடத்தை கைப்பற்றியது.

நியூசிலாந்து மற்றும் ஆப்கானிஸ்தான் அணிகளுக்கிடையிலான உலகக்கிண்ண தொடரின் பதினாறாவது போட்டியில் நியூசிலாந்து அணி வெற்றி பெற்று முதலிடத்தை தனதாக்கியுள்ளது.

இந்தியா, சென்னை சேப்பாக்கம் மைதானத்தில் நடைபெற்ற குழு நிலைப்போட்டிகளின் நான்காம் கட்டம் போட்டியில் ஆப்கானிஸ்தான் அணியை ஓட்டங்களினால் நியூசிலாந்து அணி வெற்றி பெற்றுள்ளது.

289 என்ற வெற்றியிலக்குடன் துடுப்பாடிய ஆப்கானிஸ்தான் அணி 34.4 ஓவர்களில் சகல விக்கெட்களையும் இழந்து 139 ஓட்டங்களை மட்டுமே பெற்றது. ஆப்கானிஸ்தான் அணி பெரியளவில் கூறுமளவுக்கு பிரகாசிக்கவில்லை.

பந்துவீச்சில் நியூசிலாந்து அணி வேகப்பந்து வீச்சு மற்றும் சுழற்பந்துவீச்சு கலவையாக பந்துவீசி விக்கெட்களை தகர்த்து ஆப்கானிஸ்தான் அணியை தடுமாற வைத்தது.

நாணய சுழற்சியில் வெற்றி பெற்ற ஆப்கானிஸ்தான் அணி களத்தடுப்பை தெரிவு செய்தது.

நியூசிலாந்து ஆரம்ப விக்கெட் வேகமாக வீழ்த்தப்பட்டது. வில் ஜங், ரச்சின் ரவீந்திரா 79 ஓட்டங்களை இணைப்பாட்டமாக பகிர்ந்ததோடு அணியின் ஓட்ட எண்ணிக்கையை சிறிதளவு உயர்திக்கொடுத்தனர். ரச்சின் ரவீந்திரா ஆட்டமிழந்ததை தொடர்ந்து அடுத்த இரு விக்கெட்களும் அடுத்தடுத்து வீழ்த்தப்பட்டன. க்ளன் பிலிப்ஸ், டொம் லெதாம் ஆகியோர் நிதானமாக துடுப்பாடி 144 ஓட்டங்களை இணைப்பாட்டமாக பகிர்ந்து கொண்டதுடன் இருவரும் அரைச்சதங்களை பூர்த்தி செய்துகொண்டனர். இதன் மூலமாக நியூசிலாந்து அணி பலமான நிலைக்கு சென்றது.

ஆப்கானிஸ்தான் அணி இங்கிலாந்து அணியை வெற்றி பெற்ற நிலையிலில் இன்றைய போட்டியில் நியூசிலாந்துக்கு அச்சுறுத்தல் வழங்குமென எதிர்பார்க்கப்பட்து. ஆனால் அது தலைக்கீழாக மாறிப்போனது. நியூசிலாந்து அணி விளையாடிய நான்கு போட்டிகளிலும் வெற்றி பெற்று முதலிடத்தை பெற்றுக்கொண்டுள்ளது. ஆப்கானிஸ்தான் அணி 4 போட்டிகளில் 1 வெற்றியினை தனதாக்கியுள்ளது.