அவுஸ்திரேலியா அணி எட்டாவது முறையாக உலகக்கிண்ண இறுதிப் போட்டியில்

அவுஸ்திரேலியா எதிர் தென்னாபிரிக்கா அணிகளுக்கிடையில் கொல்கொத்தா ஈடின் கார்டன் மைதானத்தில் நடைபெற்ற உலகக்கிண்ண தொடரின் அரை இறுதிப் போட்டியில் அவுஸ்திரேலியா அணி 2 விக்கெட்களினால் வெற்றி பெற்று இறுதிப் போட்டிக்குத் தகுதி பெற்றுள்ளது.

நாணய சுழற்சியில் தென்னாபிரிக்கா அணி வெற்றி பெற்று துடுப்பாட்டத்தை தெரிவு செய்து 49.4 ஓவர்களில் சகல விக்கெட்களையும் இழந்து 212 ஓட்டங்களை பெற்றுக் கொண்டது. 213 ஓட்டங்கள் என்ற வெற்றியிலக்குடன் துடுப்பாடிய அவுஸ்திரேலியா அணி 47. 2 ஓவர்களில் 07 விக்கெட்களை இழந்து 215 ஓட்டங்களை பெற்றது.

இந்த உலகக்கிண்ண தொடரின் அதிக விறு விறுப்பை தந்தது இந்தப் போட்டியே.

தென்னாபிரிக்கா அணி துடுப்பாடிய வேளையில் அவுஸ்திரேலியா அணியின் ஆரம்ப பந்துவீச்சாளர்கள் மிற்செல் ஸ்டார்க், ஜோஸ் ஹெஷல்வூட் ஆகியோரின் பந்துவீச்சுக்கு தடுமாறி அடுத்தடுத்து விக்கெட்களை இழந்தனர். ஓட்டங்களையும் பெற முடியவில்லை. ஐந்தாவது விக்கட்டுக்காக ஜோடி சேர்ந்த ஹென்றிச் க்லாசன், டேவிட் மில்லர் ஜோடி நிதானமாக போராடி அணியை மீட்டு எடுத்தனர். சத இணைப்பாட்டத்தை அண்மித்த வேளையில் க்ளாஸானின் விக்கெட்டை ட்ரவிஸ் ஹெட் கைப்பற்றி அடுத்த பந்திலும் ஒரு விக்கெட்டினை கைப்பற்றினார். 95 ஓட்ட இணைப்பாட்டமே முறியடிக்கப்பட்து.

தொடர்ந்த்தும் நிதானம் கார்த்து டேவிட் மில்லர் துடுப்பாடினார். ஜெராட் கோட்ஷே அவருக்கு பக்க பலமாக துடுப்பாடி கைகொடுத்தார். ஏழாவது விக்கெட் இணைப்பாட்டமாக இருவரும் 53 ஓட்டங்களை பகிர்ந்தனர்.

டேவிட் மில்லர் மிக அபாரமான சதம் ஒன்றை பூர்த்தி செய்தார். இது அவரின் ஆறாவது சதமாகும். சதமடித்து அடுத்த பந்தில் ஆட்டமிழந்தார்.

அவுஸ்திரேலியா அணியின் ஆரம்ப பந்துவீச்சாளர்கள் ஜோஸ் ஹெஷல்வூட், மிற்செல் ஸ்டார்க் மிக அபாரமான ஆரம்பத்தை வழங்கினார்கள். அந்த ஆரம்பமே தென்னாபிரிக்கா அணியை கட்டுப்படுத்த உதவியது. பட் கம்மின்ஸ் இறுதி நேரத்தில் விக்கெட்களை காப்பாற்றினார்.

இந்த இலக்கு நோக்கி துடுப்பாட ஆரம்பித்த அவுஸ்திரேலியா அணி அதிரடி ஆரம்பத்தை ஏற்படுத்தியது. அரைச்சத இணைப்பாட்டத்தை வேகமாக தாண்டிய நிலையில் டேவிட் வோர்னர் ஆட்டமிழந்தார். புதிதாக வந்த மிச்செல் மார்ஷ் வேகமாகவே ஆட்டமிழந்தார். இருப்பினும் ட்ரவிஷ் ஹெட்டின் அதிரடி தொடர்ந்தது. அரைச்சதத்தை பூர்த்தி செய்த பின்னர் ஆட்டமிழந்தார். அவுஸ்திரேலியா அணிக்கு வெற்றி வாய்ப்பை பெற்றுக் கொடுத்தே ஆட்டமிழந்தார். இருப்பினும் தென்னாபிரிக்கா அணியின் சுழற்பந்து வீச்சாளர்கள் அழுத்தம் வழங்கி மேலுமிரு விக்கெட்ளை கைப்பற்ற இரு அணிகளுக்கும் வாய்ப்பு என்ற நிலை உருவானது.

ஸ்ட்டீவ் ஸ்மித் நிதானம் கார்த்து விக்கெட் வீழ்வதனை தடுத்து நிறுத்தி வைத்திருந்தார். அவரோடு ஜோஷ் இங்கிலிஷ் இணைப்பாட்டம் ஒன்றை ஏற்படுத்தி அவுஸ்திரேலியா அணியின் வெற்றிக்கு கைகொடுத்தார்.ஸ்ட்டீவ் ஸ்மித் துடுப்பாடிய விதமே அவர்களுக்கு வெற்றியினை பெற்றுக் கொடுத்தது. இருப்பினும் நிதானம் கார்த்து விக்கெட்டினை காப்பாற்றி வைத்திருந்த ஸ்மித் மேற்கொண்ட பிழையான துடுப்பாட்ட பிரயோகம் அவரை வெளியேற்றியது. தென்னாபிரிக்க அணிக்கு வெற்றி வாய்ப்பும் உருவானது. 20 ஓட்டங்கள் வெற்றிக்கு தேவை என்ற நிலையில் கோர்ட்ஷியா இங்லிஷின் விக்கெட்டினை கைப்பற்ற போட்டி மேலும் விறு விறுப்பானது.

அவுஸ்திரேலியா அணி எட்டாவது தடவையாக இறுதிப் போட்டிக்குத் தகுதி பெற்றுள்ளது. ஐந்து தடவைகள் சம்பியனாக மகுடம் சூடியுள்ளது. கடந்த முறை மட்டுமே அரை இறுதியோடு வெளியேறியது.

தென்னாபிரிக்கா அணி ஐந்தாவது தடவை அரை இறுதிப் போட்டியில் விளையாடிய நிலையில் மீண்டும் இறுதிப் போட்டி வாய்ப்பை இழந்துள்ளது. இதுவரை இறுதிப் போட்டிக்கு தென்னாபிரிக்கா அணி தெரிவானதில்லை.

அணி விபரம்
தென்னாபிரிக்கா அணி: ரெம்பா பவுமா(தலைவர்), குயின்டன் டி கொக், மார்கோ ஜனேசன், ஹெய்ன்ரிச் கிளாசன், கேசவ் மகராஜ், எய்டன் மார்க்ரம், டேவிட் மில்லர், ககிஸோ ரபாடா ரஷி வன் டேர் டுசென், ஜெரால்ட் கோட்ஸிலி, ரப்ரைஸ் ஷம்ஸி4

அவுஸ்திரேலியா அணி: பட் கம்மின்ஸ்(தலைவர்) ,டேவிட் வோர்னர், மிற்செல் மார்ஷ், மார்னஸ் லபுஷேன், ட்ரவிஸ் ஹெட், ஸ்டீவ் ஸ்மித், க்ளென் மக்ஸ்வெல், ஜோஷ் இங்கிலிஸ், மிட்செல் ஸ்டார்க், ஜோஸ் ஹெஸல்வூட், அடம் ஷம்பா