அண்மையில் நடிகர் விஷால் , s .j சூர்யாவின் நடிப்பில் வெளியான மார்க் ஆண்டனி திரைப்படம் விமர்சன ரீதியாகவும் வசூல் ரீதியாகவும் நல்ல வரவேற்பினை பெற்றது. இந்தத் திரைப்படத்தினை இயக்குனர் ஆதிக் ரவிச்சந்திரன் இயக்கி இருந்தார். இப்படம் இவருக்கு மிகப்பெரிய திருப்பு முனையாக அமைந்தது.
ஏற்கனவே இவர் இயக்கத்தில் த்ரிஷா இல்லனா நயன்தாரா,அன்பானவன் அசராதவன் அடங்காதவன், பகீரா ஆகிய திரைப்படங்கள் வெளியாகி இருந்தன. மேலும் கோப்ரா , நேர்கொண்ட பார்வை ஆகிய திரைப்படங்களில் முக்கிய கதாபாத்திரங்களிலும் இவர் நடித்திருந்தார்.
இந்நிலையில் இயக்குனர் ஆதிக் ரவிச்சந்திரனுக்கு இம்மாதம் 15ம் திகதி சென்னையில் திருமணம் நடைபெறவுள்ளதாக அதிகாரபூர்வமான தகவல் வெளியாகியுள்ளது. மேலும் இவரின் திருமணத்திற்கு 300 பேருக்கு மட்டுமே அழைப்பு விடுக்கப்பட்டிருக்கிறது.
நடிகர் அஜித்தின் தீவிர இரசிகராக இருக்கக்கூடிய இயக்குனர் ஆதிக் ரவிச்சந்திரனின் திருமணத்திற்கு தல அஜித் வருவாரா? என்ற ஒரு கேள்வி இரசிகர்கள் மத்தியில் எழுந்துள்ளது.