வரலாற்றில் முதல் தடவையாக நுவரெலியா பொருளாதார மத்திய நிலையத்தில்; நேற்றைய தினம் ஒரு கிலோ கிராம் கரட் 1000 ரூபா முதல் 1100 ரூபா வரை விற்பனை செய்யப்பட்டுள்ளதாக கூறப்படுகின்றது.
நுவரெலியா பிரதேச விவசாயிகளிடமிருந்து ஒரு கிலோகிராம் கரட் 900 ரூபாவிற்கு கொள்வனவு செய்யப்பட்டதாகவும் அவ்வாறு கொள்வனவு செய்யப்பட்ட கரட் தரமானதாக இல்லையென நுவரெலியா பொருளாதார மத்திய நிலையத்தின் மொத்த விற்பனையாளர்கள் தெரிவித்தனர்.
அத்துடன், லீக்ஸ் மற்றும் பீட்ரூட் 450 ரூபா முதல் 500 ரூபாய்க்கும், போஞ்சி 750 ரூபா முதல 800 ரூபாய்க்கும் விற்பனை செய்யப்படுவதாக தெரிவிக்கப்படுகின்றது.
மேலும் ஒரு கிலோகிராம் பச்சை மிளகாய் 1600 ரூபாய்க்கு விற்பனை செய்யப்படுகின்றது.
இரண்டு வாரங்களுக்கு முன்னர் நுவரெலியா பொருளாதார மத்திய நிலையத்தில் ஒரு கிலோகிராம் கரட் 350 ரூபா முதல் 400 ரூபா வரை விற்பனை செய்யப்பட்டமை குறிப்பிடத்தக்கது.