லங்கா பிரீமியர் லீக் கிரிக்கெட் தொடரின் ஐந்தாவது நாளில் கொழும்பு ஸ்ட்ரைக்கேர்ஸ் மற்றும் கண்டி பல்கோன்ஸ் அணிகளுக்கிடையில் இன்று(06.07) தம்புள்ளை ரங்கிரி சர்வதேசக் கிரிக்கட் மைதானத்த்தில் நடைபெற்றது. இந்தப் போட்டியில் கொழும்பு அணி 02 ஓட்டங்களினால் வெற்றி பெற்றது. இந்த வெற்றியின் மூலம் கொழும்பு அணி முதலிடத்தை பெற்றுக்கொள்ள, கண்டி அணி நான்காமிடத்தில் தொடர்கிறது.
200 ஓட்டங்கள் என்ற வெற்றியிலக்குடன் தமது துடுப்பாட்டத்தை ஆரம்பித்த கண்டி அணி ஆரம்ப விக்கெட்டை வேகமாக இழந்தது. டினேஷ் சந்திமால் 12(09) ஓட்டங்களுடன் டஸ்கின் அஹமட்டின் பந்துவீச்சில் ஆட்டமிழந்தார். அன்றே பிளட்சரின் துடுப்பாட்டம் கண்டி அணிக்கு ஓட்ட எண்ணிக்கையை அதிகரித்து கொடுத்தது. சாமிக்க கருணாரட்னவின் அபாரமான பிடி மூலமாக மொகமட் ஹரிஷ் ஆட்டமிழந்தார் என்ற நிலையில் பிடியை பரிசீலனை செய்த நடுவர் பந்தை பிடித்துக்கொண்டு விழும் போது நிலத்தில் பந்து பதிந்ததாக அனுமானித்து ஆட்டமிழப்பு இல்லை என தெரிவித்தார். அதன் பின்னர் ஹரிஸ், பிளட்சர் ஆகியோர் அதிரடியை ஆரம்பித்து ஓட்ட எண்ணிக்கையை உயர்த்தினார். 10 ஓவர் நிறைவில் 115 ஓட்டங்கள் தேவை என்ற நிலை காணப்பட்டது. அதன் போது 9 விக்கெட்கள் கையிலிருந்தன. இருவரும் 95 ஓட்டங்களை இணைப்பாட்டமாக பூர்த்தி செய்தவேளையில் ஷாதாப் கானின் பந்துவீச்சில் பிளட்சர் 47(36) ஓட்டங்களுடன் ஆட்டமிழந்தார்.
மதீஷ பத்திரனவின் பந்துவீச்சில் மொஹமட் ஹரீஷ் 56(32) ஓட்டங்களுடன் ஆட்டமிழக்க கொழும்பு அணி பக்கமாக போட்டி மாறியது. இருப்பினும் கமிந்து மென்டிஸ் அதிரடியாக துடுப்பாடி தனது அணிக்கான வெற்றிக்கு போராடினார். அவரை மதீஷ பத்திரன 36(16) ஓட்டங்களுடன் ஆட்டமிழக்க செய்தார். இதனால் போட்டி மேலும் விறுப்பாக மாறியது. தஸூன் சாணக்க அதே ஓவரில் 3 பந்துகளில் ஓட்டமின்றி ஆட்டமிழந்தார். அடுத்த இரண்டாவது பந்தில் வனிந்து ஹசரங்க ஆட்டமிழக்க கொழும்பு அணியின் வெற்றி உறுதியானது. ஆனால் அஞ்சலோ மத்தியூஸ் இறுதிவரை வெற்றிக்காக போராடினார். 19 ஆவது ஓவரை மதீஷ பத்திரன இறுக்கமாக வீசியது கொழும்பு அணி வெற்றி பெற உதவியது. இறுதி நான்கு பந்தில் 19 ஓட்டங்கள் வெற்றிக்கு தேவை என்ற நிலையில் மத்தியூஸ் ஆறு ஓட்டங்கள் ஒரு நான்கு ஓட்டம் அடித்து போட்டியின் போக்கை மாற்றினார். இருப்பினும் இறுதி பந்தில் ரன் அவுட் மூலம் ஆட்டமிழக்க கொழும்பு அணி வென்றது. மத்தியூஸ் ஓட்டங்களை பெற்றார்.
20 ஓவர்கள் நிறைவில் கண்டி பல்கோன்ஸ் அணி 07 விக்கெட் இழப்பிற்கு 197 ஓட்டங்களை பெற்றது.
பந்துவீச்சில் மதீஷ பத்திரன 4 ஓவர்களில் 26 ஓட்டங்களை வழங்கி 04 விக்கெட்களை கைப்பற்றினார். டஸ்கின் அஹமட் 4 ஓவர்கள் பந்துவீசி 30 ஓட்டங்களை வழங்கி 01 விக்கெட்டை கைப்பற்றினார். ஷதாப் கான் 3 ஓவர்களில் 19 ஓட்டங்களை வழங்கி 1 விக்கெட்டை கைப்பற்றினார். திசர பெரேரா இறுதி ஓவரை வீசி 18 ஓட்டங்களை வழங்கி 01 விக்கெட்டை கைப்பற்றினார்.
நாணய சுழற்சியில் வெற்றி பெற்ற கண்டி பல்கோன்ஸ் அணி களத்தடுப்பை தெரிவு செய்தது.
கொழும்பு அணி சார்பாக ரஹ்மானுள்ள குர்பாஸ், அஞ்சலோ பெரேரா ஆகியோர் அதிரடி ஆரம்பம் ஒன்றை வழங்கினர். 21 பந்துகளில் 51 ஓட்டங்களை இணைப்பாட்டமாக பூர்த்தி செய்திருந்த வேளையில் ரஹ்மானுள்ள குர்பாஸ் 20(10) ஓட்டங்களுடன் சொரிபுல் இஸ்லாமின் பந்துவீச்சில் ஆட்டமிழந்தார். நல்ல அதிரடி ஆரம்பத்தை வழங்கிய அஞ்சலோ பெரேரா 38(23) சத்துரங்க டி சில்வாவின் பந்துவீச்சில் ஆட்டமிழந்தார். சதீர வந்த வேகத்தில் 05(07) ஓட்டங்களுடன் டுஸ்மாந்த சமீரவின் பந்துவீச்சில் ஆட்டமிழந்தார். அதிரடியாக கிளன் பிலிப்ஸ் துடுப்பாடி ஓட்ட எண்ணிக்கையினை உயர்த்தினார். இன்று மத்திய வரிசையில் துடுப்பாட அனுப்பப்பட்ட டுனித் வெல்லாழகே 6(9) ஓட்டங்களுடன் வனிந்து ஹசரங்கவின் பந்துவீச்சில் ஆட்டமிழந்தார். அதே ஓவரில் வந்த வரத்தில் ஆறு ஓட்டம் ஒன்றை அடித்த திசர பெரேரா இரண்டாவது பந்துவீச்சில் ஆட்டமிழந்தார்.
20 ஓவர்களில் 09 விக்கெட்களை இழந்து கொழும்பு அணி 199 ஓட்டங்களை பெற்றுக்கொண்டது.
அதிரடி நிகழ்த்திய கிளன் பிலிப்ஸ் 70(43) ஓட்டங்களை பெற்று டுஸ்மாந்த சமீரவின் பந்துவீச்சில் 70(43) ஓட்டங்களுடன் ஆட்டமிழந்தார். நல்ல ஆரம்பம் கிடைத்தும் வந்ததும் போனதுமாக மத்தியவரிசை ஆட்டமிழக்க கொழும்பு அணி 20 ஓவர்களையும் பூர்த்தி செய்யுமா என்ற கேள்வி எழுந்தது. விக்கெட்கள் வீழ்ந்தாலும் ஓட்டங்கள் வந்தமையினால் கொழும்பு ஸ்ட்ரைக்கேர்ஸ் அணி வெற்றி பெறக்கூடிய இலக்கை பெற்றுக்கொண்டது.
பந்துவீச்சில் டுஸ்மாந்த சமீர 4 ஓவர்களில் ஓட்டங்களை வழங்கி 03 விக்கெட்களை கைப்பற்றினார். சொரிபுள் இஸ்லாம் 4 ஓவர்களில் 43 ஓட்டங்களுக்கு 2 விக்கெட்களை கைப்பற்றினார். வனிந்து ஹசரங்க 4 ஓவர்களில் 37 ஓட்டங்களை வழங்கி 2 விக்கெட்களை கைப்பற்றினார். சத்துரங்க டி சில்வா 4 ஓவர்களில் 48 ஓட்டங்களுக்கு 1 விக்கெட்டை கைப்பற்றினார். தஸூன் சாணக்க 3 ஓவர்கள் பந்துவீசி 23(12) ஓட்டங்களை வழங்கி 02 விக்கெட்களை கைப்பற்றினார்.
இரு அணிகளுக்குமிடையில் கண்டியில் நடைபெற்ற முதற் போட்டியில் கொழும்பு அணி 51 ஓட்டங்களினால் வெற்றி பெற்றிருந்தது. இந்தப் போட்டியில் கொழும்பு அணி வெற்றி பெற்றால் முதலிடத்தை தனதாக்கும். கடனை வெற்றி பெற்றால் ஓட்ட நிகர சராசரி வேகத்தில் இடம் தீர்மானிக்கப்படும். ஆனாலும் மூன்றாம் இடத்தில தொடரும் வாய்ப்புகளே அதிகம் காணப்படுகிறது.
அணி விபரம்
கண்டி அணியில் இரண்டு மாற்றங்கள் செய்யப்பட்டுளள்ன. கஸூன் ரஜித, அஹா சல்மான் நீக்கப்பட்டு, சத்துரங்க டி சில்வா, சொரிபுல் இஸ்லாம் ஆகியோர் சேர்க்கப்பட்டுள்ளனர்.
கொழும்பு அணியில் மூன்று மாற்றங்கள் செய்யப்பட்டுளள்ன. பினுர பெர்னாண்டோ, ஷெவோன் டானியல், முஹமட் வசீம், நீக்கப்பட்டு அஞ்சலோ பெரேரா, டஸ்கின் அஹமட், கருக்க சங்கீத் ஆகியோர் சேர்க்கப்பட்டுள்ளனர்.
கொழும்பு ஸ்ட்ரைக்கேர்ஸ் – சாமிக்க கருணாரட்ன, திசர பெரேரா, சதீர சமரவிக்ரம, ஷதாப் கான், க்ளன் பிலிப்ஸ், டுனித் வெல்லாலஹே, ரஹ்மானுள்ளா குர்பாஸ், பினுர பெர்னாண்டோ, மதீஷ பத்திரன, அஞ்சலோ பெரேரா, கருக்க சங்கீத், டஸ்கின் அஹமட்
கண்டி பல்கோன்ஸ் – வனிந்து ஹசரங்க, அஞ்சலோ மத்தியூஸ், டுஸ்மந்த சமீர, கமிந்து மென்டிஸ், அன்றே ப்லட்சர், டினேஷ் சந்திமால், தஸூன் சாணக்க, மொஹமட் ஹரிஸ், பவான் ரத்நாயக்க, சத்துரங்க டி சில்வா, சொரிபுல் இஸ்லாம்