காலி, ஹபராதுவ – ஹருமல்கொட பகுதியில் இடம்பெற்ற துப்பாக்கிச் சூட்டில் இருவர் காயமடைந்து வைத்தியசாலையில் அனுமதிக்கப்பட்டுள்ளனர்.
நேற்று (28) இரவு மோட்டார் சைக்கிளில் வந்த அடையாளம் தெரியாத இருவர் இவ்வாறு துப்பாக்கிச் சூட்டினை நடத்தி தப்பிச் சென்றுள்ளனர்.
துப்பாக்கிச் சூட்டில் ஒருவர் காயமடைந்த நிலையில், அவர் முச்சக்கர வண்டியில் ஏற முற்பட்ட போது முச்சக்கரவண்டி மீதும் துப்பாக்கிச் சூடு நடத்தப்பட்டுள்ளது.
இதன்போது குறித்த முச்சக்கர வண்டியின் சாரதியும் காயமடைந்துள்ளார்.
இருப்பினும், குறித்த சாரதி முச்சக்கர வண்டியை நிறுத்தாமல் காயமடைந்த மற்றைய நபரை வைத்தியசாலைக்கு கொண்டு சென்றுள்ளதாக பொலிஸார் தெரிவித்துள்ளனர்.
ஹபராதுவ மற்றும் அகுலுகஹா பகுதியைச் சேர்ந்த 34 மற்றும் 54 வயதுடைய இருவரே துப்பாக்கிச் சூட்டில் காயமடைந்துள்ளதாக தெரிவிக்கப்படுகின்றது.