ஹட்டன் – மஸ்கெலியாவில் இடம்பெற்ற வாகன விபத்தில் இருவர் சம்பவ இடத்திலேயே உயிரிழந்துள்ளனர்.
இந்த விபத்து இன்று பிற்பகல் (10.08) இடம்பெற்றுள்ளது.
முச்சக்கர வண்டி வேக கட்டுப்பாட்டை இழந்து எதிரே வந்த வாகனத்தில் மோதுண்டு தடம் புரண்டதில் இருவர் சம்பவ இடத்திலேயே உயிரிழந்துள்ளனர்.
நல்லதண்ணியிலிருந்து மஸ்கெலியா நோக்கி பால் ஏற்றிச் சென்ற லொறி ஒன்றும், மஸ்கெலியாவிலிருந்து நல்லதண்ணியை நோக்கி சென்ற முச்சக்கரவண்டியுமே இவ்வாறு விபத்துக்குள்ளாகியுள்ளன.
இந்த விபத்தில் காயமடைந்த மேலும் இருவர் மஸ்கெலியா மாவட்ட வைத்திய சாலைக்கு கொண்டு செல்ல பட்ட நிலையில் மேலதிக சிகிச்சைக்காக டிக்கோயா கிளங்கன் ஆதார வைத்திய சாலைக்கு மாற்றப்பட்டுள்ளனர்.
விபத்து தொடர்பிலான மேலதிக விசாரணைகளை மஸ்கெலியா பொலிஸார் முன்னெடுத்துள்ளனர்.