தேசிய மக்கள் சக்தி அரசாங்கம் தனது முதல் வரவு செலவுத் திட்டத்தில் மருந்துகள், பாடசாலை பொருட்கள் மற்றும் உணவுப் பொருட்களுக்கான வெட் வரியை நீக்கும் என தேசிய மக்கள் சக்தியின் ஜனாதிபதி வேட்பாளர் அனுரகுமார திஸாநாயக்க தெரிவித்துள்ளார்.
மதுபான உற்பத்தியாளர்கள் போன்ற வர்த்தகர்கள் செலுத்த தவறிய வரியை மீளப்பெறுவதற்கு நடவடிக்கைகள் எடுக்கப்படுவதுடன், எளிமைப்படுத்தப்பட்ட வரி முறை அறிமுகப்படுத்தப்படும் என தங்கல்லையில் இன்று(17.08) நடைபெற்ற மக்கள் சந்திப்பின் போது அனுரகுமார திஸாநாயக்க தெரிவித்துள்ளார்.
தேசிய மக்கள் சக்தி அரசாங்கத்தினுடாக யாரையும் பழி வாங்கப் போவதில்லை என்றும், தவறு செய்பவர்கள் மற்றும் மோசடி, ஊழலுக்கு காரணமானவர்கள் மீது நடவடிக்கை எடுக்கப்படும் எனவும் அவர் சுட்டிக்காட்டியுள்ளார்.
