எதிர்க்கட்சி தலைவரும் ஐக்கிய மக்கள் கூட்டணியின் ஜனாதிபதி வேட்பாளருமான சஜித் பிரேமதாசவுக்கும், அந்த கட்சியின் முக்கிய உறுப்பினரும் பாராளுமன்ற உறுப்பினருமான ஹர்ஷா டி சில்வாவுக்கும் இடையில் மோதல் என சமூக வலைத்தளங்கள் மூலம் பரப்பப்படும் தகவல் முற்று முழுதும் பொய்யானது என ஹர்ஷ டி சில்வா தெரிவித்துள்ளார்.
இன்று(24.08) ஐக்கிய மக்கள் கூட்டணியின் அலுவலகத்தில் நடைபெற்ற ஊடக சந்திப்பில் இதனை அவர் தெரிவித்துள்ளார். இரண்டு பேருக்குமிடையில் பெரிய சண்டை ஒன்று நடைபெற்றது. “சஜித் தன்னை கடுமையாக திட்டினார் என கூறப்படுகிறது. ஆனால் அவற்றில் எந்தவித உண்மையும் இல்லை. நாம் அவ்வாறு மோதிக்கொள்ள மாட்டோம். எமது கட்சியை உடைக்கும் நோக்கில் யாரோ செய்யும் சதி வேலைகள் இவை. நாம் இவற்றுக்குள் மாட்டிக்கொள்ள மாட்டோம். எமது வேலைகளை நாம் உரிய முறையில் சரியாக செய்துகொண்டு செல்வோம்” என மேலும் ஹர்ஷ டி சில்வா நடைபெற்ற ஊடக சந்திப்பில் கூறினார்.