முன்னாள் பாரளுமன்ற உறுப்பினரும், இலங்கை தமிழரசுக் கட்சியின் தலைவருமான மாவை சேனாதிராசா நேற்று(29.01) இரவு யாழ் போதனா வைத்தியசாலையில் காலமானார். அண்மையில் அவர், தனது வீட்டில் வழுக்கி வீழ்ந்த நிலையில் தலையில் அடிபட்டு, தலைக்குள்ள இரத்தக்கசிவுகள் ஏற்பட்ட நிலையில், அதி தீவிர சிகிச்சை பிரிவில் செயற்கை சுவாசம் வழங்கப்பட்டு சிகிச்சை நடைபெற்றது. இருப்பினும் சிக்கிச்சை பலனின்றி அவர் உயிரிழந்துள்ளார்.
அன்னாரின் பூதவுடல் தற்போது மாவிட்டபுரம் வீட்டில் அஞ்சலிக்காக வைக்கப்பட்டுள்ளது. எதிர்வரும் 02 ஆம் திகதி ஞாயிற்றுக்கிழமை இறுதிக்கிரியைகள் நடைபெறுமென அறியமுடிகிறது. இருப்பினும் குடும்பத்தினரிடம் இதனை உறுதி செய்ய முடியவில்லை.
