ஶ்ரீலங்கா கிரிக்கெட் அனுசரணையுடன் கிரிக்கெட்டை மேம்படுத்தும் நோக்கில் வடமாகாண கிரிக்கெட் சங்கத்தினால் ஏற்பாடு செய்யப்படும் வட மாகாணத்தின் மாபெரும் கிரிக்கெட் தொடரின் 8வது போட்டியில் Mullai Panthers அணி வெற்றி பெற்றுள்ளது.
வவுனியா நகரசபை மைதானத்தில் இன்று(05.05) நடைபெற்ற போட்டியில் Mullai Panthers மற்றும் Kilinochchi Fighters அணிகள் பலப்பரீட்சை நடத்தியிருந்தன.
போட்டியின் நாணய சுழற்சியில் வெற்றி பெற்ற Mullai Panthers அணி முதலில் துடுப்பெடுத்தாட தீர்மானித்தது.
அதன்படி, Mullai Panthers அணி 20 ஓவர்களில் 5 விக்கெட் இழப்பிற்கு 198 ஓட்டங்களைப் பெற்றுக்கொண்டது.
Mullai Panthers அணி சார்பில் சிவராஜா வினோஜ் 61 ஓட்டங்களையும், அணித் தலைவர் அருணோதயம் அஞ்சயன் 38 ஓட்டங்களையும் பெற்றுக்கொண்டனர்.
Kilinochchi Fighters அணி சார்பில் பந்துவீச்சில் ஜஜீவன் வைத்திலிங்கம் 2 விக்கெட்டுகளை கைப்பற்றினார்.
199 ஓட்டங்களை வெற்றி இலக்காக கொண்டு பதிலுக்கு துடுப்பெடுத்தாடிய Kilinochchi Fighters அணி 18.4 ஓவர்களில் சகல விக்கெட்டுக்களையும் இழந்து 137 ஓட்டங்களை மாத்திரம் பெற்று தோல்வியடைந்தது.
Kilinochchi Fighters அணி சார்பில், பொன்னுதுரை கஜேந்திரா 32 ஓட்டங்களையும் பெற்றுக்கொண்டார்.
Mullai Panthers அணி சார்பில் பந்துவீச்சில் அருணோதயம் அஞ்சயன் 4 விக்கெட்டுக்களையும், ஆர் சங்கீத் 2 விக்கெட்டுகளையும் கைப்பற்றினர்.
இதன்படி, இந்த போட்டியில் Mullai Panthers அணி 61 ஓட்டங்களினால் அபார வெற்றியீட்டியதுடன், போட்டியின் ஆட்ட நாயகனாக Mullai Panthers அணியின் தலைவர் அருணோதயம் அஞ்சயன் தெரிவு செய்யப்பட்டார்.