நியூசிலாந்து முதலிடம்? அயர்லாந்து வாய்ப்பை இழந்தது.

ICC T20 உலக கிண்ண கிரிக்கெட் தொடரின் இன்றைய போட்டியில் நியூசிலாந்து அணி அயர்லாந்து அணியினை 35 ஓட்டங்களினால் வெற்றி பெற்றது. இந்த வெற்றியின் மூலம் நியூசிலாந்து அணி குழு 01 உல் முதலிடத்தை பெறும் வாய்ப்பு ஏற்பட்டுள்ளது.

அயர்லாந்து அணி அரை இறுதி வாய்ப்பை இழந்துள்ளது. அவுஸ்திரேலியா, இங்கிலாந்து அணிகளின் போட்டிகளில் வெற்றி பெற்றால் இரு அணிகளும் நியூசிலாந்து பெற்றுள்ள 7 புள்ளிகளை பெறலாம். ஆனால் ஓட்ட நிகர சராசரி வேகம் மிக அதிகமாக காணப்படுவதனால் அதனை எட்டிப்பிடிப்பது கடினம். அதன் காரணமாக நியூசிலாந்து அணி அரை இறுதி வாய்ப்பை பெற்றுள்ளது.

முதலில் துடுப்பாடிய நியுசிலாந்து அணி பலமான ஓட்ட எண்ணிக்கையாக 185 ஓட்டங்களை பெற்றுக் கொண்டது. கேன் வில்லியம்சன், மற்றும் முன் வரிசை துடுப்பாட்ட வீரர்களின் பங்களிப்புடன் நியூசிலாந்து அணி இந்த ஓட்ட எண்ணிக்கையினை பெற்றுக்கொண்டது.

அயர்லாந்து அணி சார்பாக ஜோஷ் லிட்டில் வில்லியம்சன், ஜேம்ஸ் நீஷாம், மிற்செல் சென்டனர் ஆகியோரின் விக்கெட்களை கைப்பற்றியதன் மூலம் ஹட்ரிக் சாதனை படைத்தார்.

பதிலுக்கு துடுப்பாடிய அயர்லாந்து அணி நல்ல ஆரம்பத்தை பெற்ற போதும், மத்திய வரிசை விக்கெட்கள் தகர்க்கப்பட்ட 150 ஓட்டங்களுக்குள் மட்டுப்படுத்தப்பட்டது.

கர்டிஸ் கம்பர்