யாழ்பாணத்திலிருந்து கொழும்பு நோக்கி பயணித்த அதி சொகுசு பேரூந்து, வவுனியா, ஏ 09 வீதி, நொச்சுமோட்டை பாலத்திற்கு அருகில் விபத்துக்குளானதில் பேரூந்து விபத்தில் சாரதி உட்பட மூவர் ஸ்தலத்தில் பலியாகியுள்ளனர்.
இன்று(05.11) நள்ளிரவு 12.15 மணியளவில் பேரூந்து வேக கட்டுப்பாட்டை இழந்து பாலத்தில் மோதுண்டு புரண்டுள்ளது. இதன்போது பேரூந்து சாரதியான ரூபன் மற்றும் ஒரு பெண் உட்பட மூவர் பலியாகியுள்ளனர். 16 பேர் காயமடைந்த நிலையில் வைத்தியசாலையில் அனுமதிக்கப்பட்டுள்ளனர். நால்வர் தீவிர சிகிச்சை பிரிவில் அனுமதிக்கப்பட்டுள்ளனர்.
இவ் விபத்து ஏற்பட்ட சமயம் அதே திசையில் பயணித்துக்கொண்ட மற்றுமொரு சொகுசு பேரூந்து சாரதி தனது பேரூந்தை விபத்து ஏற்படுவதை தவிர்க்கும் முகமாக வீதியின் ஒரமாக செலுத்தி மற்றுமொரு பேரூந்து விபத்தை தவிர்த்திருந்தார்.
இவ் விபத்து தொடர்பான விசாரணைகளை வவுனியா மற்றும் ஓமந்தை பொலிஸார் மேற்கொண்டு வருகின்றனர்.