வடக்கு கிழக்கு மாகாணங்களை உள்ளடக்கிய கூட்டங்களை நடத்துவது தொடர்பாக. வடமாகாணத்தைப் பிரதிநிதித்துவப்படுத்தும் நாடாளுமன்ற உறுப்பினர்களை மட்டும் அழைத்து அபிவிருத்தி, அதிகாரப் பரவலாக்கம் மற்றும் ஏனைய விடயங்களைப் பேசுவதற்கு 11, 12, 13 ஆகிய திகதிகளை ஜனாதிபதி ஒதுக்கியுள்ள நிலையில் அதற்கு தமிழீழ விடுதலை இயக்கத்தின் தலைவரும் பாரளுமன்ற உறுப்பினருமான செல்வம் அடைக்கலநாதன் எதிர்ப்பு தெரிவித்துள்ளார்.
இந்த விடயம் தொடர்பில் அவருக்கு ஜனாதிபதி ரணில் விக்ரசமசிங்கவுக்கு கடிதம் மூலம் தெரிவித்துள்ளார். கடிதத்தில் கீழுள்ள விடயங்களை அவர் தெரிவித்துள்ளார்.
வடக்கு, கிழக்கை பிரிக்க முடியாது. வடக்கும் கிழக்கும் எமது தமிழர்களின் தாயகம். எனவே வடக்கு, கிழக்கில் அபிவிருத்தி, அதிகாரப் பரவலாக்கம், நிர்வாகம் மற்றும் ஏனைய விடயங்கள் தொடர்பிலான கலந்துரையாடல்களை மேற்கொள்ளும் போது இவ்விரு மாகாணங்களையும் ஒன்றிணைத்து நடத்துவது சிறந்தது என நான் கருதுகின்றேன்.
நான் ஒரு கட்சியின் தலைவர், கட்சியை பிரதிநிதித்துவப்படுத்துகிறேன். எனது கட்சி வடக்கு மாகாணத்தில் மட்டுமன்றி கிழக்கு மாகாணத்திலும் செயற்படுகின்றது. எனவே, இருவரின் வளர்ச்சி, அதிகாரப் பரவலாக்கம் மற்றும் பிற விவகாரங்கள் குறித்து பேசுவதே சிறந்தது. ஒரே மேசையில் இரு மாகாணங்கள் தொடர்பிலும் பேசி ஒரு தீர்க்கமான தீர்வு காணவேண்டும். அப்படி இல்லாவிட்டால், அப்படி விவாதிப்பதில் அர்த்தமே இருக்காது.
இந்தக் கூட்டத்தில் நான் மட்டும் கலந்துகொள்வதால் தீர்க்கமான எந்த நடவடிக்கையும் எடுக்க முடியாது என்று உணர்கிறேன். எனவே வடக்கு கிழக்கு பிரச்சினைகளை பேசும் போது அனைத்து வடக்கு கிழக்கு பாராளுமன்ற உறுப்பினர்களையும் ஒரே மேசைக்கு அழைத்து பேசுவது நல்லது. இந்த விடயத்தை கவனத்தில் கொண்டு உரிய நடவடிக்கை எடுக்குமாறு கேட்டுக்கொள்கின்றேன். என ஜனாதிபதிக்கு எழுதியுள்ள கடிதத்தில் தெரிவித்துள்ளார்.