இன்று (20.05) காலை பொரளை – லெஸ்லி ரணகல மாவத்தை பகுதியில் துப்பாக்கிச் சூடு சம்பவம் ஒன்று இடம்பெற்றுள்ளதாக பொலிஸார் தெரிவித்துள்ளனர்.
மோட்டார் சைக்கிளில் வந்த இனம்தெரியாத இருவர், வேறு ஒரு மோட்டார் சைக்கிளில் பயணித்த ஒருவரை நோக்கி துப்பாக்கியால் சுட்டுள்ளனர்.
துப்பாக்கிச் சூட்டுக் காயங்களுடன் குறித்த நபர் வைத்தியசாலைக்கு கொண்டு செல்லப்பட்டதன் பின்னர் உயிரிழந்துள்ளதாகவும், உயிரிழந்தவர் களனியை சேர்ந்த 53 வயதுடையவர் எனவும் பொலிஸ் ஊடகப் பேச்சாளர் தெரிவித்துள்ளார்.
இந்த துப்பாக்கிச் சூட்டுக்கான காரணம் இதுவரை தெரியவரவில்லை என தெரிவிக்கப்பட்டுள்ளது.
மேலும் சந்தேகநபர்கள் தப்பிச்சென்றுள்ள நிலையில், சம்பவம் தொடர்பான மேலதிக விசாரணைகளை பொரளை பொலிஸார் மேற்கொண்டு வருகின்றனர்.