மினுவாங்கொடை, பொரகொடவத்தை ஒஸ்டின் மாவத்தையில் இடம்பெற்ற துப்பாக்கிச் சூட்டு சம்பவத்தில் இருவர் காயமடைந்து வைத்தியசாலையில் அனுமதிக்கப்பட்டுள்ளனர்.
குறித்த சம்பவம் நேற்று (17.06) இரவு இடம்பெற்றுள்ளது. சம்பவத்தில் 33 மற்றும் 43 வயதுடைய இருவர் காயமடைந்துள்ளனர்.
மோட்டார் சைக்கிளில் வந்த இருவர் மீது காரில் வந்த இனந்தெரியாத நபர்கள் துப்பாக்கிச் சூடு நடத்தியுள்ளதாக பொலிஸார் தெரிவித்தனர்.
துப்பாக்கிச் சூட்டில் மோட்டார் சைக்கிள் ஓட்டுநர் மற்றும் பிலியன் சாரதி இருவரும் காயமடைந்து மினுவாங்கொட வைத்தியசாலையில் அனுமதிக்கப்பட்டு, பின்னர் மேலதிக சிகிச்சைகளுக்காக கம்பஹா வைத்தியசாலைக்கு மாற்றப்பட்டுள்ளதாக பொலிஸார் அறிவித்துள்ளனர்.
இந்த தாக்குதலுக்கான காரணம் தெரியவராத நிலையில், பொலிஸார் மேலதிக விசாரணைகளை முன்னெடுத்து வருகின்றனர்.