தெஹிவளை பகுதியில் மோட்டார் சைக்கிள் மற்றும் பல துவிச்சக்கர வண்டிகள் கொள்ளையடிக்கப்பட்ட சம்பவத்துடன் தொடர்புடைய சந்தேகநபர் ஒருவர் கைது செய்யப்பட்டுள்ளார்.
தெஹிவளை பகுதியை சேர்ந்த 32 வயதுடைய குறித்த சந்தேகநபருக்கு எதிராக கல்கிசை நீதவான் நீதிமன்றினால் ஏற்கனவே 04 பிடியாணைகள் பிறப்பிக்கப்பட்டுள்ளதாக பொலிஸார் தெரிவித்துள்ளனர்.
2023 ஆம் ஆண்டு ஜூன் மாதம் 25ம் திகதி தெஹிவளை பிரதேசத்தில் திருடப்பட்ட மோட்டார் சைக்கிள் தொடர்பில் மேற்கொள்ளப்பட்ட விசாரணைகளின் பின்னரே குறித்த சந்தேகநபர் கைது செய்யப்பட்டுள்ளார்.
இவரால் பல பகுதிகளில் இருந்து திருடப்பட்ட மோட்டார் சைக்கிள் மற்றும் 11 துவிச்சக்கர வண்டிகள் பொலிஸார் மேற்கொண்ட விசாரணைகளின் மூலம் பொலிஸார் மீட்டுள்ளனர்.
சந்தேக நபர் இன்று (03.08) கல்கிசை நீதவான் நீதிமன்றில் முன்னிலைப்படுத்தப்படவுள்ளதாக பொலிஸார் தெரிவித்துள்ளனர்.