மோட்டார் சைக்கிள் பந்தயத்தில் ஈடுபட முற்பட்ட 9 இளைஞர்கள் கைது!
மேல்மாகாணத்தின் கோரக்காபொல பிரதேசத்தில் இன்று (14.08) அதிகாலை பண பந்தயத்திற்காக மோட்டார் சைக்கிள் பந்தயத்தில் ஈடுபட முற்பட்ட 9 இளைஞர்கள் கைது செய்யப்பட்டுள்ளனர்.
காலி வீதியில் நடத்த திட்டமிடப்பட்ட குறித்த மோட்டார் சைக்கிள் போட்டி தொடர்பில் பொலிஸாருக்கு கிடைத்த இரகசிய தகவலையடுத்து பாணந்துறை வடக்கு பொலிஸார் குறித்த சந்தேக நபர்களை கைது செய்ததாக தெரியவந்துள்ளது.
கைது செய்யப்பட்ட சந்தேகநபர்கள் 20 மற்றும் 26 வயதுக்கு இடைப்பட்டவர்கள் எனவும் மொரட்டுவை மற்றும் அதனை அண்டிய பகுதிகளில் வசிப்பவர்கள் எனவும் தெரியவந்துள்ளது.
சந்தேகநபர்களிடமிருந்த நான்கு மோட்டார் சைக்கிள்களும் கைப்பற்றப்பட்டுள்ளன.